Aktualitet

108-vjetori i policisë, Çuçi: Policia e Shtetit, institucioni më i besuar


Bëhu pjesë e Grupit Zyrtar të Opinion.al
>> KËTU <<
               Publikuar në : 14:18 - 13/01/21 |
Doriana Çepunaj

Ministri i Brendshëm, Bledi Çuçi, në 108 vjetorin e themelimit të Policisë së Shtetit deklaroi se Policia është institucioni më i besuar, në vendin tonë.

Mjafton t’u referohemi sondazheve të opinionit të javëve të fundit e jo vetëm, ku rezulton se Policia e Shtetit është ndër institucionet më të besueshme në vend. Ky besim nuk është një rastësi, por fryt i punës, përkushtimit, sakrificave të të gjithë trupës, e kombinuar kjo me një sërë reformash e investimesh të kryera vitet e fundit”, tha Çuçi.

Gjatë fjalës së tij, Çuçi përmendi Operacionin Forca e Ligjit, si rezultat i të cilit, u sekuestruan qindra pasuri të krimit të organizuar.

Viti që lamë pas nisi me sfidën për zbulimin e konfiskimin e pasurive të vëna në mënyrë të paligjshme e kriminale. OFL bëri të mundur sekuestrimin e qindra pasurive dhe aseteve të vëna në rrugë kriminale, duke hequr nga duart e krimit miliona euro, e ky proces këtë vit është drejt finalizimit. Paralelisht me këto aksione, trupa e policisë ka një vëmendje konstante në luftën kundër krimit, drogës, trafiqeve e paligjshmëri të ndryshme. Këto janë ndër prioritetet e punës për të cilën merr kuptim vetë ekzistenca e strukturës së Policisë së Shtetit”, tha Çuçi.

Më tej, Çuçi foli edhe për sfidat e Policisë për vitin 2021. “Viti 2021 do të sjellë një ngarkesë jo të lehtë për Policinë e Shtetit e Ministrinë e Brendshme, pasi është vit zgjedhor.  Policia ka detyra specifike për sigurimin e mbarëvajtjes së tyre. Ky angazhim do të kërkojë një shpenzim shtesë kohe dhe energjie”, tha Çuçi./Opinion.al

Pas