Kronikë

Zbardhet plagosja me thikë e 16-vjeçarit në Shkodër, në pranga autori


               Publikuar në : 10:40 - 20/09/19 |
Al Do

Mbrëmjen e së enjtes në Shkodër mbeti i plagosur me thikë 16-vjeçari, Kledis Smajli. I riu ishte përfshirë në një konflikt për motive të dobëta njofton policia dhe ndodhet në Spitalin Rajonal Shkodër.

Ndërkohë policia ka arrestuar autorin e krimit si dhe ka proceduar në gjendje të lirë një tjetër person që dyshohet se ka qenë bashkëpunëtor.

Konkretisht është “kapur autori i dyshuar i plagosjes, shtetasi B. Gj., 17 vjeç, banues në lagjen “Mark Lula”, Shkodër, i cili u arrestua për veprën penale “Plagosja e rëndë me dashje”. Si dhe ndiqet në gjendje të lirë shtetasi A. R. 19 vjeç, banues në lagjen “Skënderbeg”, Shkodër” thuhet në njoftimin e policisë.

Ngjarja ka ndodhur rreth orës 20:00 në lagjen “Vasil Shanto”, Shkodër po konflikti mesa duket ka nisur që kur personat kanë qenë në shkollë.

“Këto shtetas gjatë ditës së djeshme ishin konfliktuar me shtetasin K. S. në ambientet e shkollës dhe më pas gjatë mbrëmjes kanë komunikuar me telefon dhe janë takuar në lagjen “Vasil Shanto”. Ata janë konfliktuar fizikisht e më pas shtetasi B. Gj. ka nxjerrë një mjet të fortë, me të cilin ka goditur disa herë shtetasin K. S. në këmbë dhe brinjë” njofton policia. /Opinion.al

Pas