Te Fundit

Vuçiç ironizon Ramën: Është politikan botëror, unë lokal


Bëhu pjesë e Grupit Zyrtar të Opinion.al
>> KËTU <<
               Publikuar në : 09:39 - 01/09/15 |
b.f

TIRANË– Kryeministri shqiptar Edi Rama dhe ai serb Aleksander Vucic kanë patur një përballje televizive për emisionin Okruzenje në Serbi por që u transmetua mbrëmë njëkohësisht në televizionet publike të secilit shtet. Nuk kanë munguar batutat mes tyre, ku vecojmë atë të Vucic që thotë “nuk ka problem, ai ëshët politikan botëror…unë lokal”. Duke ju përgjigjur pyetjes së gazetarit se cfarë doni të shihni ndryshe në politiken shqiptare, Vuçiç tha se “nuk hyjmë në ato gjëra ne bashkëpunojmë. Edi Rama eshte politikan boteror, ndersa une lokal. Unë nuk mund t’i ndryshoj qëndrimin Ramës për Metohine, por kjo nuk do të thotë se nuk do bashkëpunojmë ne vazhdimesi për paqe në Ballkan”, u shpreh Vucic.

Përsa i përket bashkëpinimit mes dy vendeve, kryeministri i Serbisë, Vuçiç ,u shpreh se “Serbia dhe Shqipëria kanë biseduar ngushtë për bashkëpunimin dhe jam i intersuar për diçka të rëndësishme, pasi shqiptarët kanë patur qendrim racist ndaj serbëve dhe serbët po ashtu ndaj shqiptarëve dhe ne do të bashkëpunojmë në këtë drejtim dhe bashkëpunimi ynë të shkojë në të mirë të qytetarëve tanë në shkëmbime kulturore e ekonomike, që të mësojmë për njëri- tjetrin me shumë dhe të bashkëpunojmë po më shumë me një këndvështrim të ri”.

Ndërsa për bashkëpunimin ekonomik, Vuçiç u përgjigj se “Bashkëpunimi ka nisur nga kjo që kemi bërë sot së bashku. Tërë ajo befasi për dikë por ne së bashku jemi këtu dhe  kemi kërkuar së bashku  hartimin e planit për studimin e fizibilitetit, pra studimin për zbatueshmëri për ashtuquajtruri projet–dokumentacionit për rrugën Nish-Prishtin-Durrës dhe bashkë kemi punuar për këtë projekt se është e rëndësishme për të dy popujt tanë dhe rajonin në tërësi”. Për ndeshjen e futbolit, të cituar nga Rama, Vuçiç tha se” Rama më ka ftuar në Tiranë dhe unë do të shkoj ta ndjek ndeshjen në Elbasan. Pastaj do të merremi vesh se si serbët do të ndërtojnë hotele në Durrës e të investojnë në Shqipëri”. Nga ana tjetër, kryeministri Edi Rama tha se “ po përpiqemi, qoftë secili brenda vendit për të bërë reforma të munguara për vite të tëra dhe qoftë në raport me Bashkimin Europian, për të ndërtuar jo një proces që e zëvendëson procesin e integrimit të çdo vendi në Europë, por një proces që na vendos në një pozicion të ri si rajon, në raport me këtë mundësi të re, për të bërë të mundur që nga suksesi politik të kalohet në suksesin ekonomik dhe që gjithçka rajoni ka nevojë si infrastrukturë e me radhë të mund të jetë fryt i një niveli të ri bashkëpunimi me Bashkimin Europian”.

Sigurisht që kjo do të kërkojë kohë. Sigurisht që as Shqipëria, as Serbia dhe as Ballkani nuk mundet të bëhen nesër Gjermani, Francë apo kë të doni. Ajo që është e rëndësishme është se jemi në një situatë krejtësisht të re, krahasuar me një vit më parë. Po ju jap një shembull. Një vit më parë, të gjithë e mbani mend, ndeshjen e futbollit në Beograd. Në datën 8 do të jetë ndeshja e kthimit. Zyra e Bashkëpunimit Rinor do të jetë e përfshirë dhe ne do të ftojmë një numër të konsiderueshëm të rinjsh nga Serbia, studentë apo … – kjo është një gjë që po punojmë – që do të takohen me të rinj shqiptarë dhe bashkërisht do të shkojnë në stadium, jo për të krijuar probleme apo për të sharë njëri-tjetrin, por për të sjellë shembullin e këtij momenti kaq transformues. Për pak shkuam në luftë për një top futbolli, e kuptoni! Tani jemi këtu, duke diskutuar për gjëra që deri para një viti as nuk mund t’i imagjinonim”, u shpreh Rama.

KOMENTO (0)

Shkruaj nje koment

    Pas