Një shqiptar në Britaninë e Madhe, i cili akuzohet për vrasjen e shokut të tij ka dalë ditën e sotme përpara gjyqit. 41-vjeçari Mane Driza, pseudonimi i të cilit është ‘Tony Montana’ akuzohet se në vitin 1999 ka vrarë duke e goditur 120 herë me thikë në Londër, shokun e tij Stefan Bledar Mone.
Arsyeja se përse ka ndodhur vrasja sipas Prokurorisë është sepse Driza mendonte se Mone i kishte vjedhur unazën e dasmës. Megjithatë 41-vjeçari e ka mohuar t’a ketë kryer vrasjen. Në vitin 1999 kur Driza ishte 21 vjeç, punonte si punëtor ndërtimi dhe mësohet se u kishte thënë shokëve të punës se do të vriste mikun e tij shqiptar, madje duke i kishte kërkuar njërit prej tyre që t’i blinte një thikë. Policia britanike asokohe kishte përdorur kamerat e sigurisë në rrugë për të gjurmuar autorin e dyshuar të vrasjes së Stefan Bledar Mone.
Ndërkohë sipas prokurorisë armët e dyshuara të përdorura në vrasje, të cilat ishin dy thika, u gjetën pranë trupit të pajetë. Në atë kohë e dashura e viktimës ndodhej në spital për një kontroll rutinë, pasi ishte 6 muajshe shtatzënë dhe u terrorizua nga skena horror kur u kthye në shtëpi. Trupin e pajetë të dashurit e konstatoi të nesërmen dhe e identifikoi vetëm nga rripi i pantallonave.
Pas vrasjes autori i dyshuar Driza u largua për në Itali, ku në vitin 2000 ra në prangat e policisë. Asokohe ai u shpreh se me viktimën kishte një mosmarrëveshje për çështje parash dhe se ai e kishte kërcënuar i pari me thikë. Driza e emigroi në Britani në vitin 1997. Ai dhe viktima Stefan Mone ishin bërë miq në Britani pasi ishin larguar nga Shqipëria. Driza njihet edhe me emrin Sokol Drenova dhe është me origjinë nga Bishani i Fierit./Xh.K/Opinion.al/
