Kronikë

Vrasja e Xhuljan Bullarit, nëna e autorit: Silleni ta vras me duart e mia!


Bëhu pjesë e Grupit Zyrtar të Opinion.al
>> KËTU <<
               Publikuar në : 15:44 - 02/09/21 |
Opi Nion

Nëna e Bledar Selmanajt, i cili është në burg pasi akuzohet se është autori i vrasjes së Xhuljan Bullarit, ka deklaruar ditën e sotme se i biri është një person problematik dhe se i ka sjellë gjithmonë probleme familjes.

Ndryshe nga rastet e tjera, kur nënat mbrojnë fëmijët e tyre, ajo ka deklaruar se nëse i biri është fajtor, duhet të marrë dënimin e merituar, madje shkon deri aty sa thotë se do të jetë vetë ajo që mund ta vrasë me duart e saj.

“Djali im ka dalë më 5 gusht nga burgu. Neve i kishim të shkëputura lidhjet me të këtu e 12 vjet, i kishim bërë dalje, se gjithmonë shqetësime na ka sjellë. Ka dalë në shtëpi më vete, kishte një dhomë. Vetëm unë si nëna e tij flisja me të, më kërkoi një telefon dhe ja dhashë që të kisha kontakt me të. E merrja dhe e pyesja ku ishte, më thoshte që ka dalë deri te xhamia ose në Lungomare dhe do kthehej. Ditën e krimit, unë e kam parë deri nga ora 12, e kam parë që ishte te shtëpia e tij, sepse unë jetoj larg, jo në shtëpi me të. E kam parë prapë, ka qenë ora 21:00, ose 21:15, pastaj kam marrë fëmijët dhe i kam çuar në gjumë.

Të dielën ka ardhur policia, kur shkova, nuk e gjeta djalin në shtëpi. Vajta me vrap te shtëpia e tij dhe pashë policët që nxorën një armë nga dheu. Ju luta policëve për një deklaratë dhe ju thashë se po u vërtetua që djali im e ka vrarë atë, unë do ta vras me duart e mia. I bëj thirrje Prokurorisë së Përgjithshme mos ta mbajnë në burg atë djalë, por ta çojnë në mes të Tiranës dhe t’i japin plumbin. Përndryshe vij dhe unë, nëna e tij, dhe e vras vetë me duart e mia. Të ma bien edhe sot, unë e vras vetë, nëse ka pasur dorë në krim”, është shprehur mes të tjerash nëna e autorit të krimit për News 24.

Xhuljan Bullari u vra me plumb në kokë në Babicë të Vlorës, ndërsa me të dyshuarin Bledar Selmanaj kishte patur miqësi të ngushtë në burg.

Të shtunën e 21 gushtit të dy shokët u takuan pranë Policisë së Tiranës. Me “Fiat Punto”, siç policia ka zbuluar përmes kamerave të sigurisë, ata udhëtuan së bashku drejt Vlorë, ku pas një debati për paratë e drogës Bledar Selmanaj qëlloi shokun e tij me dy plumba duke e lënë të vdekur në vend. Policia gjeti të groposur armën e krimit në oborrin e banesës së Selmanaj në lagjen “15 Tetori” në Vlorë./Opinion.al

Pas