Aktualitet

Vizita e Escobar në Tiranë, Kim:Cilat ishin mesazhet e zyrtarit të lartë amerikan


Bëhu pjesë e Grupit Zyrtar të Opinion.al
>> KËTU <<
               Publikuar në : 08:53 - 10/12/21 |
Opi Nion

Ambasadorja amerikane, Yuri Kim, në përfundim të vizitës së zëvendës Ndihmës Sekretarit të Shtetit dhe të Dërguarit të Posaçëm të SHBA për Ballkanin Perëndimor, Gabriel Escobar ka dhënë detaje për mesazhet e dhëna nga ky i fundit në takimet me personalitetet e politikës shqiptare.

Në një status në “Twitter”, Kim thekson se Escobar ripohoi mbështetjen e fortë të SHBA për anëtarësimin në BE.  Gjithashtu sipas Kim, ai nënvizoi fokusin e SHBA-ve në luftën kundër korrupsionit, mosndëshkimit dhe përpjekjeve për të minuar demokracinë në Ballkanin Perëndimor.

 “Gjatë vizitës së tij në Tiranë, Zëvendës Asistent Sekretari Escobar falënderoi Shqipërinë për partneritetin e fortë dhe ripohoi mbështetjen e fortë të SHBA për anëtarësimin në BE. Ai nënvizoi fokusin e SHBA-ve në luftën kundër korrupsionit, mosndëshkimit dhe përpjekjeve për të minuar demokracinë në Ballkanin Perëndimor.

Ne mezi presim të forcojmë marrëdhëniet me Shqipërinë për rritjen e bashkëpunimit në fushën e mbrojtjes si aleatë të NATO-s; krijimin e më shumë mundësive për tregti dhe investime duke punuar së bashku për integrimin rajonal dhe çështjet globale, veçanërisht si anëtarë të Këshillit të Sigurimit të OKB-së në 2022”, shkruan Kim.

Escobar gjatë vizitës në Shqipëri, ditën e djeshme, zhvilloi takime me kreun e PD, Lulzim Basha, kryeministrin Edi Rama dhe ministren e Jashtme, Olta Xhaçka./Opinion.al

Pas