Kryesore

Debati për koalicionet/ Bylykbashi:Model që shpëton Ramën nuk gjejmë dot


Bëhu pjesë e Grupit Zyrtar të Opinion.al
>> KËTU <<
               Publikuar në : 20:04 - 04/10/20 |
Al Do

Vijon debati në distancë mes opozitës dhe mazhorancës lidhur me ndryshimet në Kodin Zgjedhor që priten të shqyrtohen nesër në Kuvend.

I pari ishte përfaqësuesi i Partisë Demokratike, Oerd Bylykbashi i cili tha në një konferencë për shtyp se argumenti i  kryeministrit Edi Rama, që modeli shqiptar te koalicioneve nuk gjendet askund në Europë, nuk qëndron pasi sipas tij ai përdoret në Itali.

Më pas, deputeti Damian Gjiknuri deklaroi se Partia Demokratike dhe Lëvizja Socialiste për Integrim po përpiqen t’i hedhin hi syve publikut kur thonë se modeli ynë i koalicioneve është në fuqi në Itali. Në një status në “Facebook”, Gjiknuri shkroi se sistemi italian “nuk ka lidhje” me atë shqiptar.

Bylykbashi i është përgjigjur akuzave të Gjiknurit duke u shprehur se ato janë justifikime “si hapja false e listave”.

Në një status në Facebook ai shkruan se i kanë paraqitur modelet europiane të koalicioneve dhe akzuon Gjiknurin se ka shkelur marrëveshjen e 5 qershorit në të cilën ai thotë se u investua “nga Sekretari i Shtetit i SHBA tek drejtuesit me të lartë të BE”.

“Modelet demokratike ekzistojnë, por model që të shpëtoje Edi Ramën nga humbja ne nuk gjejmë dot. Këtë kërkon Edi Rama nga Këshilli Politik dhe për këtë ai është gati të sakrifikojë Shqipërinë. Modelet t’i kemi thënë që ditën e parë, por kur ti shkelje një marrëveshje për të cilën u investua nga Sekretari i Shtetit i SHBA tek drejtuesit me të lartë të BE, këto as i sheh as i dëgjon. Këto justifikimet janë njësoj si hapja false e listave”, shkruan Bylykbashi./ Opinion.al

Pas