Aktualitet

VIDEO/Aeroporti i Vlorës, Rama: Do sjellim shqiptarët direkt nga Amerika


Bëhu pjesë e Grupit Zyrtar të Opinion.al
>> KËTU <<
               Publikuar në : 09:01 - 30/04/21 |
Opi Nion

Kryeministri Edi Rama mëngjesin e sotëm ka publikuar një video 3D, që tregon se si do të duket aeroporti i Vlorës.

Në videon e postuar në rrjetet sociale, kryeministri tregon se në aeroportin e Vlorës do të mundësohen fluturime Vlorë-Nju Jork dhe anasjelltas, për t’i sjellë shqiptarët nga Amerika direkt në Shqipëri.

“Të gjitha kushtet e aeroportit të Vlorës janë të tilla që fluturimet të jenë Vlorë- Nju Jork dhe Nju-Jork Vlorë sepse “Fan Nolin” ne do ta çojmë në Amerikë dhe shqiptarët do ti sjellim nga Amerika direkt në Shqipëri”, thotë Rama.

Po ashtu, ai shton se në Vlorë do të ngrihet edhe Akademia e Aviacionit Civil që do të prodhojë ekspertë shqiptarë të aviacionit.

“ Ne do të investohemi si shtet për të ndërtuar Akademinë e Aviacionit që do prodhojë ekspertët shqiptarë e deri te pilotët. Shqipëria do të jetë një vend ku numri i vizitorëve do të rite eksponencialisht. Jam i bindur që vlonjatët do ndjehen edhe më krenarë, të huajit do ndjehen qysh muajin e parë të mrekulluar në këtë vend. Sot është koha që së bashku ta bëjmë Shqipërinë që të mos e ulë më kokë, por përkundrazi ta ngrejë lart e më lart”, thotë Rama./Opinion.al

Pas