Besnik Muçi, i cili pak ditë më parë u dekretua nga Presidenti Ilir Meta si anëtar i Gjykatës Kushtetuese, është shkarkuar nga detyre për shkak të procesit të vetting-ut. Sipas gjetjeve të bërë nga KPA, Muçi nuk ka justifikuar pasurinë që zotëron, gjë e cila ka bërë që KPA të largoj nga sistemi i drejtësisë ish-prokurorin.
Pasi u njoh me vendimin e KPA, Muçi në një dalje për mediat ka mohuar këtë vendim duke thënë se ai ka bërë të gjitha deklarimet sipas ligjit dhe se pasuria që ai zotëron ka burime ligjore. Ai është shprehur me ironi se mëkati që ka bërë ishte se para dy vitesh aplikoi për anëtar të Gjykatën Kushtetuese, ndërsa mëkatin e dytë e ka bërë, kreu i KED, Ardian Dovrani, që sipas tij, e listoi të tretin në listë, për vakancat e Presidencës dhe Kuvendit.
Po ashtu, Muçi nuk ka lënë pa përmendur dhe vendimin e presidentit, duke thënë se mëkati i Metës është emërimi si anëtar në Gjykatën Kushtetuese.
Pjesë nga fjala e tij:
Më thoni kush është ai qytetar shqiptar, pasuria e të cilit mos ketë probleme të natyrës së qindra mijërave lekë, unë e kam thënë jam bërë vet prokuror, kam konkuruar dhe kam ushtruar 17 vjet profesionin me përkushtim korrektesë duke zbatuar ligjin pa asnjë masë disiplinore dhe mëkati i vetëm është që bëra para nja dy vjetësh, që ata që janë marrë me analizën e shqyrtimin, dhe autoritetet e ambasadës amerikane, mëkati i vetëm se aplikova për anëtar të Gjykatës Kushtetuese.
Mëkati tjetër e bëri zoti Dvorani më listoi i treti në listë, për vakancat e Presidencës dhe Kuvendit. Mëkatin tjetër e bëri Presidenti Meta që më emëroi anëtar të Gjykatës Kushtetuese. Ku qëndron problemi im në këtë lloj situate, cfarë mund të bëj një jurist që ka besim te institucionevet e vendit të tij dhe kërkon të bëjë karrierë duke respektuar dhe procedurat institucionet?/ Opinion.al
