Ditën e sotme presidenti, Ilir Meta ka zhvilluar një takim me ish-presidentin, Bujar Nishani, ku kanë diskutuar në lidhje me ngërçin e krijuar në Gjykatën Kushtetuese.
Mësohet se takimi mes Metës dhe Nishanit ka nisur në orën 12:00, ndërsa takimi mes tyre ka zgjatur vetëm disa minuta.
Pas takimit, Nishani është shprehur se është njohur me çështje të pa bëra ende publike, të cilat sipas tij, lidhen me kapjen e sistemit dhe infektimin e rëndë të pavarësisë dhe profesionalizmit të Gjykatës Kushtetuese.
“U njoha me çështje të pabëra ende publike nga na e presidentit që tregojnë për një tendencë për të minuar institucionin e presidentit dhe besueshmerinë e proceseve shtetndërtuese në vend ndaj e mbështes plotësisht presidentin në qëndrimin e tij kushtetues në mbrojtje të integritetit të atij që është si një proces që shqiptaret po e mbajnë gjallë besimin, reformën në sistemin e drejtësisë, por mbi të gjithë respektin ndaj shtetit të së drejtës”- tha Nishani.
Pyetur se per cfare faktesh behet fjale, ish presidenti tha: “I takon presidentit ti bëjë publike gjërat, por besoj që cdo veprim dhe përfshirje janë në kompleksitetin e tyre të lidhur me minimin e procesit që ka ndjekur presidenti dhe duhet të kemi të nevojshëm që është ndërtimi i shtetit të së drejtës”./ Opinion.al
Kujtojmë se në lidhje me këtë çështje Meta takoi ditën e djeshme Sali Berishën, në cilësinë e ish-presidentit të vendit. Pas takimit, Berisha hodhi akuza ndaj qeverisë “Rama”, duke thënë se po tenton të kap Gjykatën Kushtetuese dhe sistemin e drejtësisë në tërësi.
Pak ditë më parë, presidenti takoi kreun e PD, Lulzim Basha dhe aleatët e tij, ku diskutuan për Gjykatën kushtetuese dhe reformën zgjedhore./Opinion.al
