Aktualitet

U mor i pandehur nga SPAK, pezullohet nga detyra anëtari i KPA-së, Ardian Hajdari



Bëhu pjesë e Grupit Zyrtar të Opinion.al
>> KËTU <<
               Publikuar në : 13:04 - 08/02/22 |
Opi Nion

Është pezulluar nga detyra anëtari i KPA-së, Ardian Hajdari. Ky vendim është marrë për Hajdarin pasi është marrë i pandehur nga SPAK. Të martën në çeljen e seancës publike që ka të bëjë me ankimin e gjyqtares së ish-Gjykatës së Apelit për Krime të Rënda, Dhurata Haveri kundër vendimit të Komisionit për shkarkimin e saj u bë i ditur shkarkimi i Ardian Hajdarit.

Kryesuesi i trupës së Kolegjit Sokol Çomo sqaroi se seanca nuk mund të vijonte pasi mungonte gjyqtari Ardian Hajdari për shkak të pezullimit të tij nga detyra dhe u vendos shtyrja për më datë 18 shkurt, ora 09:30. Ndërkohë vetë gjyqtari Ardian Hajdari u shpreh për BIRN se nuk kishte komente për të përcjellë lidhur me vendimarrjen e Kolegjit për pezullimin e tij.

Ndërkohë në një njoftim për mediat KPA bëri me dije:

“Pas vënies në dijeni për marrjen në cilësinë e të pandehurit të gjyqtarit Ardian Hajdari nga Prokuroria e Posaçme kundër Korrupsionit dhe Krimit të Organizuar, në Kolegjin e Posaçëm të Apelimit u zhvillua më datë 07.02.2022, Mbledhja e Gjyqtarëve, e cila me vendimin nr.13, datë 07.02.2022, në mbështetje të nenit C, pika 3 e Aneksit të Kushtetutës, të nenit 128, pika 3, germa “b”, të nenit 179, pika 7, si dhe të nenit 179/b, pikat 5 dhe 6 të Kushtetutës së Republikës së Shqipërisë, vendosi: Pezullimin nga detyra të gjyqtarit të Kolegjit të Posaçëm të Apelimit, Ardian Hajdari”.

Ardian Hajdari është anëtari i dytë i Kolegjit që pezullohet, pas Luan Dacit i cili dhe u shkarkua pasi u deklarua fajtor me vendim të formës për falsifikim të formularit të aplikimit për një pozicion në institucionet e vetingut./Opinion.al

 

 

 

 

Pas