114 viktima dhe 1.035 persona të plagosur është bilanci në total nga tërmeti me magnitudë 6.6 Rihter që goditi pak ditë më parë qytetin e Izmirit në Turqi.
Kryetari i Agjencisë së Menaxhimit të Fatkeqësive dhe Emergjencave (AFAD), Mehmet Güllüoğlu njoftoi se punimet e ekipeve të kërkim-shpëtimit kanë përfunduar.
“Ekipet e kërkim-shpëtimit kanë përfunduar punimet. Falënderojmë secilin punonjës, vullnetar që ka kontribuar. Mirënjohjet tona më të përzemërta. Ndërsa vazhdojmë të punojmë intensivisht në lidhje me çështjet tjera”, shkroi Güllüoğlu nga Tëitter.
Sipas të dhënave, nga 1.035 persona të plagosur, 137 persona vazhdojnë të trajtohen në spitale, ndërsa 898 të tjerë janë rikuperuar plotësisht nga dëmtimet./ Opinion.al
KOMENTO (0)
