Bota

Sulm me armë në një market në SHBA, 10 të vrarë, mes tyre një polic


Bëhu pjesë e Grupit Zyrtar të Opinion.al
>> KËTU <<
               Publikuar në : 08:25 - 23/03/21 |
Opi Nion

Një person i armatosur ka qëlluar me armë zjarri në një treg ushqimesh në shtetin amerikan të Kolorados duke vrarë 10 persona, mes të cilëve dhe një oficer policie.

Ngjarja është regjistruar në Boulder në Kolorado të Shteteve të Bashkuara të Amerikës rreth orës 14:30 me kohën lokale (20:30 GMT) të hënën kur i dyshuari hyri në supermarket dhe filloi të qëllonte. Autoritetet paralajmëruan njerëzit të shmangnin zonën për rreth dy orë.

Në lidhje me ngjarjen policia arrestoi autorin e dyshuar, i cili nga pamjet e transmetuara në mediat e huaja shfaqet pa këmishë dhe i plagosur në këmbë.

Një pjesë e ngjarjes u kap në kamera nga një kalimtar duke treguar viktimat pranë dyqanit ushqimor “Nuk e di se çfarë po ndodh. Kam dëgjuar të shtëna armësh, dikush është rrëzuar”, thotë ai. Videoja vazhdon, me policinë që mbërrin në vendngjarje dhe rrethon tregun.

Ndërsa pamjet ajrore treguan më vonë një burrë, i cili dukej se mbante vetëm pantallona të shkurtra, duke u marrë në pranga, raporton BBC.

Lidhur me ngjarjen në një konferencë për shtyp, shefja e policisë së Boulder, Maris Herold konfirmoi se një i dyshuar ishte në paraburgim dhe po merrte trajtim spitalor. “Unë dua të siguroj komunitetin se ata janë të sigurt,” tha ajo.

Zonja Herold e quajti oficerin e vrarë hero.  Eric Talley, 51-vjeç, viktimë e sulmit,  kishte qenë në departamentin e policisë Boulder që nga viti 2010. Herold nuk dha detaje të mëtejshme në lidhje me të shtënat, por tha se hetimi për këtë ngjarje ishte “shumë kompleks”./Opinion.al

.

 

Pas