Kronikë

Me armë e municione në banesë, arrestohet 25-vjeçari që u plagos në Durrës


Bëhu pjesë e Grupit Zyrtar të Opinion.al
>> KËTU <<
               Publikuar në : 09:06 - 23/03/21 |
Opi Nion

Është zbardhur ngjarja e ndodhur mbrëmjen e djeshme, në lagjen nr. 4, në Durrës ku mbeti i plagosur 25-vjeçari Arbër Tivari.

Policia bën me dije se nga hetimet ka rezultuar se ngjarja ka ndodhur pas një konflikti fizik të çastit, i cili më pas është agravuar deri në përdorimin e armëve të zjarrit, ku Alket Buçpapaj plagosi me armë zjarri në krah, shtetasin Arbër Tivari, i cili ndodhet nën kujdesin e mjekëve, jashtë rrezikut për jetën.

“Nga veprimet hetimore ka rezultuar se më datë 22.03.2021, rreth orës 19:20, në lagjen nr. 4, Durrës, pas një konflikti fizik të çastit dhe më pas me përdorimin e armëve të zjarrit, shtetasi Alket Buçpapaj. ka plagosur me armë zjarri në krah, shtetasin Arbër Tivari, i cili ndodhet nën kujdesin e mjekëve, jashtë rrezikut për jetën”, njofton policia.

Ndërkohë 25-vjeçari, Arbër Tivari që mbeti i plagosur me armë është arrestuar nga policia pasi gjatë kontrollit në banesën e tij efektivët e policisë kanë gjetur 1 armë zjarri automatik, 1 armë të ftohtë (thikë), një kapuç në ngjyrë të zezë dhe municion luftarak, të cilat u sekuestruan në cilësinë e provës materiale.

Nën drejtimin e Prokurorisë së Rrethit Gjyqësor Durrës, vijon puna për zbardhjen e plotë të rrethanave të ngjarjes dhe për kapjen e shtetasit Alket Buçpapaj.

Materialet i kaluan Prokurorisë së Rrethit Gjyqësor Durrës, për veprat penale “Vrasja me dashje” mbetur në tentativë” dhe “Armëmbajtja pa leje” në ngarkim të shtetasit Alket Buçpapaj, si dhe për veprat penale “Mbajtja pa leje e armëve në banesë” dhe “Mbajtja pa leje e armëve të ftohta”, në ngarkim të shtetasit Arbër Tivari./Opinion.al

Pas