Ka përfunduar mbledhja e Komisionit Statutor të Partisë Demokratike, ku u morën në shqyrtim propozimet për ndryshimet në status të propozuara nga kreu i PD, Lulzim Basha, si edhe anëarët e ‘Grupit për PD, Fatbardh Kadilli e Edith Harxhi”.
Sipas informacioneve, propozimet e Fatbardh Kadillit dhe Edith Harxhit janë rrëzuar, pasi komisioni nuk gjeti elementë të vlefshëm, ndërsa janë miratuar ato të kryetarit Lulzim Basha.
Basha propozon ristrukturim të Partisë Demokratike që nga zgjerimi i Kryesisë, ku do të përfshihen dhe kryetari i Këshillit Kombëtar, kryetari i Bordit financiar, kryetari i Komisionit Zgjedhor dhe kryetari i Komisionit të Apelimit, Integritetit dhe etkës.
Po ashtu është rikonceptuar mënyra e funksionimit të Këshillit Kombëtar duke parashikuar që anëtarët e zgjedhur të organizohen në departamente të Këshillit Kombëtar që funksionon si strukturë këshillimore e kryesisë dhe kryetarit.
Kreu i PD , ka propozuar gjithashtu edhe zgjerimin e sekretariatit, si dhe është shtuar si strukturë vendore e partisë, Këshilli Koordinues i Qarkut./Opinion.al
