Politikë

Spaho shkon në Korçë, Salianji: PD synon 6 mandate deputetësh


Bëhu pjesë e Grupit Zyrtar të Opinion.al
>> KËTU <<
               Publikuar në : 14:00 - 19/01/21 |
Opi Nion

Një ditë pasi u emërua drejtues politik i qarkut të Korçës, Edmond Spaho ka zhvilluar një takim me strukturat e Partisë Demokratike në këtë qark.

Në këtë takim, Spaho shoqërohej nga ish-deputeti i PD, Ervin Salianji.  Në një deklaratë për mediat, Spaho është shprehur se në zgjedhjet e 25 prillit PD do të dalë forcë e parë në qarkun e Korçës.

Kam gjetur një angazhim shumë të madh të strukturës. Vendosja ime në krye të qarkut ka qenë vendim kolegjial, i vendosur nga zoti Basha dhe diskutuar me strukturat vendore. Është kënaqësi të rikthehem në Korçë. Do të dalim forca e parë në zgjedhjet qendrore të 25 prillit. Duhet të heqim këtë të keqe (qeverinë) nga ky vend.”, tha Spaho.

Ndërkohë, Salianji është shprehur se PD synon që në qarkun e Koçës të marrë 6 mandate deputetësh.

 “Falenderoj çdo qytetar, çdo votues për mbështetjen masive që më ka dhënë, falenderoj demokratët që më kanë votuar si më të preferuarin dhe me te votuarin nga deputetët dhe i përulem sakrificës dhe kontributit të tyre që bënë të mundur që në një acar politik, thuajse me gjendje lufte të bënin të mundur që Korça të ishte i vetmi qark me rritje për Partinë Demokratike në vitin 2017. Spaho sjell edhe një kapacitet të ri, një element me shumë rëndësi për PD në qarkun e Korçës, që qarku të ketë 6 mandate për PD dhe do luftohet për mandatin e shtatë. Nuk ka asnjë diskutim që emërimet e sforcuara që bën Edi Rama për t’i dhënë pilula drejtuesve të vet politikë tregojnë jo vetëm dëshpërimin e tyre, pamundësinë për t’u përballur me gjithë premtimet që i kanë bërë Korçës, por edhe me gjithë abuzimin që ka bërë duke i kthyer, qytetin në një çiflig personal, për 2-3 persona. Si drejtuesi më i lartë politik ndihem borxhli por dhe krenar për secilin. Siç e dini telefoni im është 24 orë hapur, disponibiliteti im në çdo moment dhe gatishmëria ime për ndihmë absolute në shërbim të fitores së demokratëve. I uroj suksese Edmond Spahos që rikthehet në Korçë dhe njihet shume mire prej jush”,-u shpreh Salianji./ Opinion.al

Pas