Bota

Skandali me të birin, Biden sulmon Trumpin: Do ta mund me lehtësi


               Publikuar në : 16:54 - 22/09/19 |
el ida

Ish-zëvendëspresidenti amerikan Joe Biden ka sulmuar kreun e Shtëpisë së Bardhë, Donald Trump.

Biden e akuzoi presidentin se po përpiqej të njolloste fushatën e tij, pasi ai e dinte se do ta mundte lehtësisht në zgjedhje. Biden kërkon nisjen e hetimeve, pas raportimeve se Trump i kishte kërkuar presidentit të ri të Ukrainës Volodimir Zelenski, të rihapte hetimet për korrupsion kundër djalit të Biden, Hunter, lidhur me aktivitetet e këtij të fundit si këshilltar i një kompanie të madhe gazi.

Kandidati për Shtëpinë e Bardhë i mohon pretendimet se ai apo djali, kanë vepruar në mënyrë të papërshtatshme në raportet e biznesit me Ukrainën, gjatë kohës kur ishte zëvendëspresident.

Biseda e përgjuar telefonike mes Trump dhe Zelenskit ka shtuar thirrjet për shkarkim të presidentit, ndërsa ky i fundit përsërit akuzat për “gjueti shtrigash”./Opinion.al

 

Pas