Është shoqëruar me tensione në sallën e gjyqit procesi ndaj grupit ‘’Shullazi” ditën e sotme.
Mësohet se Gilmando Dani është përjashtuar nga seanca nga gjyqtarja Saida Dollani. Kjo ka ndodhur pasi i pandehuri i është drejtuar gjykatëses nëse ndaj saj ka patur kërcënime.
Me gjithë këmbënguljen e tij gjykatësja nuk i është përgjigjur kësaj pyetjeje por i ka kërkuar të ulet Danit. Pas mosbindjes së këtij të fundit ajo ka vendosur ta përjashtojë atë nga seanca.
Gjyqtarja Saida Dollani, është kryetare e gjykatës së Apelit për Krimet e Rënda. Më herët është raportuar në media se ajo është marrë në mbrojtje , pasi ka dyshime që anëtarë të grupit “Shullazi” e kanë kërcënuar.
Gjithçka ka nisur në seancën e datës 23 prill në të cilën i pandehuri Blerim Shullazi kërkoi dorëheqjen e zonjës Dollani, që u bë pjesë e gjykimit pas përjashtimit nga vettingu të kryesuesit Fehmi Petku. Pas kësaj seance ka patur dyshime se të afërm të gjyqtares janë kërcënuar çka ka sjellë edhe nisjen e hetimeve sekrete nga Prokuroria. /Opinion.al
