Kronikë

Shkodër/Shkoi në fshat të mblidhte prodhimet e dimrit, si u vra 43-vjeçari


               Publikuar në : 13:52 - 06/11/19 |
Opi Nion

Të tjera detaje janë zbardhur në lidhje me vrasjen e ndodhur sot në fshatin Sumë të Dukagjinit.

Mësohet se viktima, Gjergj Krygja, 43-vjeç, kishte shkuar në fshat për të mbledhur prodhimet e dimrit, që ka në tokat bujqësore, por është qëlluar për vdekje me armë zjarri. Krygja ka mbetur i vrarë në afërsi të banesës që ka në fshat.

Kujtojmë që kjo është ngjarja e dytë që ndodh në Dukagjin, brenda pak javësh, pasi më 21 tetor u ekzekutua 55-vjeçari Lazër Arraj, teksa edhe ai kishte shkuar në fshat për të mbledhur prodhimet e dimrit.

55-vjeçari u ekzekutua nga kushëriri i tij, Marash Arraj, i cili e qëlloi me armë për shkak të konflikteve të vjetra familjare.

Njoftimi

Me datë 06.11.2019, rreth orës 11:40, në fshatin Sumë, Njësia Administrative Pult, Shkodër, në rrethana ende të paqarta është qëlluar me armë zjarri shtetasin Gj. K. 43 vjeç, i cili ka ndërruar jetë.

Në drejtim të vendngjarjes janë nisur shërbimet e policisë dhe grupi hetimor për sqarimin e rrethanave të kësaj ngjarje./ Opinion.al

Pas