Kryesore

Shahini sqaron si do të bëhet mësimi në kushtet e pandemisë


Bëhu pjesë e Grupit Zyrtar të Opinion.al
>> KËTU <<
               Publikuar në : 08:52 - 29/08/20 |
el ida

Ministrja e Arsimit, Sportit dhe Rinisë, Besa Shahini, ka dhënë detaje të tjera në lidhje me mënyrën e zbatimit të udhëzimit për fillimin e vitit shkollor 2020-2021.

Shahini theksoi se udhëzuesi i vitit të ri shkollor është konsultuar gjerësisht me grupet e interesit të Arsimit Parauniversitar, si sindikatat, këshillin e prindërve, drejtuesit e shkollave, grupe mësuesish e nxënësish.

Ajo theksoi se të gjithë kanë dhënë kontributin e tyre që ky të jetë një dokument sa më gjithëpërfshirës dhe i zbatueshëm në Arsimin Parauniversitar në Shqipëri dhe shtoi se komunikimi i mënyrës së aplikimit do të komunikohet tek prindërit dhe nxënësit nga vetë mësuesit apo drejtuesit e shkollave.

Përmes një video në rrjete sociale, Shahini deklaroi se:

Në shkollat ku numri i nxënësve është më i vogël dhe mund të ruhet distanca sociale, aty do të zbatohet i tërë plani mësimor në kushte shkolle.

Në shkollat që do të ndahen në grupe dhe do të punojnë me turne, nxënësit do të fokusohen më shumë tek lëndët kryesore, ndërsa lëndët e tjera do të bëhen të kombinuara edhe me mësim në kushte shtëpie.

Nxënësit që kanë sëmundje kronike, mund të qëndrojnë në shtëpi dhe të ndjekin mësimin përmes leksioneve në RTSH, të cilat do të xhirohen paralelisht me leksionet që do të bëhen në shkollë, si dhe platforma unike që do të përdoret për mësimin online.

Dezinfektimi i shkollës do të jetë i përditshëm dhe ai do të përfshijë të gjitha sipërfaqet, korridoret, tualetet. Dezinfektimi do të bëhet me preparate që janë të përshtatshme për të luftuar virusin.

Ushqimi në klasë nuk do të lejohet sepse paraqet rrezik për shëndetin e nxënësve dhe mësuesve. Nëse konsumohet ushqim në klasë, nënkupton që maska duhet hequr dhe nxënësit e tjerë ekspozon dhe mund të prekin gojën me duar që mund të mos jenë plotësisht të dezinfektuara./Opinion.al

Pas