Bota

Rusia: Forcat ushtarake në Krime tërhiqen dhe kthehen në garnizone



Bëhu pjesë e Grupit Zyrtar të Opinion.al
>> KËTU <<
               Publikuar në : 09:30 - 16/02/22 |
Opi Nion

Rusia tha të mërkurën se stërvitjet ushtarake në Krime kishin përfunduar dhe se ushtarët po ktheheshin në garnizonet e tyre, një ditë pasi njoftoi tërheqjen e parë të trupave nga kufijtë e Ukrainës.

“Njësitë e Qarkut Ushtarak Jugor, pasi kanë përfunduar pjesëmarrjen e tyre në stërvitjet taktike, po lëvizin në pikat e tyre të vendosjes së përhershme,”- tha në një deklaratë ministria e mbrojtjes e Moskës, ndërsa televizioni shtetëror tregoi imazhe të njësive ushtarake që kalonin një urë që lidh gadishullin e kontrolluar nga Rusia, në kontinent.

Sipas një raporti të mediave botërore, fuqitë perëndimore, të udhëhequra nga Shtetet e Bashkuara, kanë kërkuar të shohin prova për këtë, pasi kriza Rusi-Ukrainë ka goditur tregjet globale dhe ka përshkallëzuar tensionet gjeopolitike.

Kujtojmë se raportet e SHBA sugjeruan se forcat ruse mund të sulmonin Ukrainën më 16 shkurt, ndërsa presidenti ukrainas Volodymyr Zelensky u bëri thirrje qytetarëve të festojnë “Ditën e Unitetit” të mërkurën./Opinion.al

Pas