Të mbetesh i ri është një nga sfidat e çdo personi. Sot ka shumë mënyra që të bëjnë të dukesh i ri, duke filluar nga operacionet plastike deri tek përdorimi i kremrave të posaçëm për lëkurën. Por sekreti i një rinie të gjatë duhet kërkuar tek ushqimet, pijet dhe palestra.
Çokollata
Sipas studimeve çokollat përmban një lëndë të veçantë e cila mbron lëkurën nga inflamacioni. Bëhet fjalë për procianidinën B2, e cila parandalon prodhimin e tepërt të djersës apo kimikateve, të cilat sjellin plakjen e lëkurës. Kjo përbërje gjendet vetëm tek çokollata dhe është një risi, si për shkencën, por dhe për dermatologët.
Molla
Përmban një lëndë të veçantë e cila nuk lejon që të na krijohet “gropa” të vogla në lëkurë. Këto “gropa”, janë një ndër shkaqet që lëkura plaket shpejt dhe çdo person duhet ta shmang.
Peshku
Është ushqimi “perfekt” . Ai përmban acide yndyrore omega3 dhe antioksidantë, të cilët mbrojnë lëkurën, por edhe e ndihmojnë atë për të qëndruar e freskët për një kohë të gjatë. Këshillohet më shumë peshku i detit, pasi temperaturat e ftohta krijojnë më shumë omega3. Peshku kryesor që këshillohet më shumë për t’u konsumuar është salmoni.
Çaji dhe vaji
Nuk ka rëdësi lloji, por mjafton që gjatë një dite të keni konsumuar një çaj. Sipas studimeve të gjitha llojet e çajrave përmbajnë antioksidantë, të cilët mbrojnë lëkurën. Po kështu disa ekspertë rekomandojnë edhe konsumimin e vajit të kokosit në raste se nuk përdorni çajin. Vaji i kokosit ka yndyrna të ngopura që forcojnë muret qelizore duke sjellë kështu mbrojtjen e lëkurës.
Lëngjet
Çdo lëng natyral i bërë në shtëpi ju zgjat rininë. Studiuesit thonë se vitaminat që kanë të frutat sjellin dhe mbrojtjen e lëkurës. Këshillohet që të përzieni disa lëngje. Një përbërje e mirë për lëkurën, është lëngu i pjeshkës me atë të portokallit.
Stërvitja
Në fund po jo më pak e rëndësishmja është stërvitja ose vrapi. Pavarësisht se jeni të rinj dhe me energji, studiuesit këshillojnë që të vraponi çdo ditë ose të ndiqni seancë palestre 3 herë në javë. Palestra sipas studjuesve i mban muskujt të tërhequr, duke mos lejuar rrudhosjen e tyre.
