Politikë

Reforma zgjedhore përçan opozitën parlametare, publikohen 8 kushte të reja


Bëhu pjesë e Grupit Zyrtar të Opinion.al
>> KËTU <<
               Publikuar në : 16:18 - 15/06/20 |
Al Do

Opozita parlamentare është e ndarë sa i përket Reformës Zgjedhore por ajo që i bashkon të gjithë deputetët duket se është vota kundër marrëveshjes arritur në Këshillin Politik.

Sot një grup deputetesh, kryetarë të partive të vogla të opozitës parlamentare, kanë prezantuar disa nga kushtet e tyre për reformën. Ata janë shprehur madje edhe kundër propozimit të grupit të udhëhequr nga Myslym Murrizi.

11 deputetët kërkojnë hapjen e listave, ndryshimin e sistemit zgjedhor në proporcional të pastër kombëtar, votën e emigrantëve, depolitizim të administratës zgjedhore, numërim elektronik, të mos ndalohen koalicionet parazgjedhore, pragu elektorat të jetë 1 ose 2% dhe financimi i partive të mos bëhet nga shteti.

Ata kundërshtuan propozimin e grupit të udhëhequr nga Myslym Murrizi me argumentin se nuk janë kundër koalicioneve parazgjedhore dhe nuk pranojnë pragun elektoral 5%.

“Ne nga këto gjëra nuk do të lëvizim. Marrëveahja që nuk u bë nuk mund të thuhet reforma zgjedhore. Tërheq emrin dhe firmën nga lista me 28-29 emra, pasi synimi nuk është ndryshimi i kushtetutës, por manipulimi. Di që e kanë tërhequr edhe të tjerë. Firmosa, por u shtua neni për koalicionet. U shtuan dy elementë në fund të cështjes, koalicionet dhe pragun cojnë te dy partitë e mëdha. Po i lexoj cfarë kërkojmë; Lista të hapura, votën e emigrantëve, proporcional i pastër kombëtar, depolizitim, numërim elektronik, jo kushte për koalicione, ne vijmë nga PD-ja dhe nuk do i bëjmë kurrë opozitës dhe pragu elektoral të jetë sa më i ulët 1 ose 2%”, tha kryetari i Partisë Emigracioni Shqiptar Kostaq Papa.

E njëjta gjë u theksuar edhe nga Zef Shtjefni kryetar i Partisë “Ora e Shqipërisë

Mos ketë koalicione parazgjedhore, kjo është shumë e rëndë, sepse ne jemi këtu për të përfaqësuar edhe ato parti jashtë parlamentit, edhe PD-në që nuk është këtu, sepse ne kemi dalë nga ajo listë dhe nuk e lejojmë të ndalohet të mos bëjnë koalicione, që Rama mandatin e tretë ta marrë në tavolinë. Jemi për ndryshimin e sistemit, për lista të hapura, por asnjë parti të mos ketë, mos paguhen me taksat e shqitparëve. Folëm edhe për një dakordësi, për votën e emigrantëve, që jo vetëm të votohen edhe të zgjidhen, të kemi një unison për zgjedhjet që vijnë. Marrëveshja e parë na dëmton ne, ata lënë në fuqi kodin e vjetër. Ne vendosëm që vazhdimësinë, bashkërisht të mos ketë komisione partiake, të marrin fund, të jenë të depolitizuara. Nuk do ta votojmë Kodin.”, tha ai.

Kryetari i partisë së Pensionistëve, Selami Jenisheri tha se këto zgjedhje duhet të bëhen të ndershme ndryshe do të ketë protesta të mëdha.

“Kemi një kontigjent 650 mijë pensionistë që jetojnë në mizerje. Këto zgjedhje ose do të bëhen të ndershme ose ndryshe do të përballemi me protesta që nuk ua ka marrë mendja. Lufta që është bërë për të mos hyrë partia jonë në parlament është e turpshme. Gjithcka që bëhet këto ditë është e pavlefshme.”, deklaroi ai.

Në grupin e deputetëve që paraqitën kërkesat e tyre sot ishte dhe kryetari i ri i Partisë Maqedonase në Shqipëri, Vasil Sterjovski i cili kërkoi që në Kodin e Ri zgjedhor të parashikohen kuota të garantuara në Kuven për minoritetet.

“Falenderoj kolegët që më mbështetën që ka ardhur koha që vendi ynë të ketë vende të garantuara për minoritetet në Kuvendin e Shqipërisë. Në rezolutën që firmosëm mbështetëm që të shikohet që në Kodin e ri të shikohet edhe minoritetet për të garantuar përfaqësimin e minoriteteve.”, tha Sterjovski. /Opinion.al

Pas