Kryesore

Rama tha “do bëjmë tërmet”, PD: 14 maji do ta zërë poshtë



Bëhu pjesë e Grupit Zyrtar të Opinion.al
>> KËTU <<
               Publikuar në : 15:30 - 06/01/23 |
Opi Nion

Anëtari i kryesisë së PD, Eno Bozdo, ka reaguar pas deklaratës së kryeministrit Edi Rama në mbledhje me ministrat se në vitin 2023 do të bëjmë tërmet.

Në një deklaratë për mediat, teksa përmed 15 “tërmetet” që sipas tij kryeministri Edi Rama u ka bërë shqiptarëve, Bozdo thotë se tërmeti i 14 majit, duke nënkuptuar kështu zgjedhjet lokale do ta zërë poshtë Ramën.

Sipas Bozdos, qeveritë Rama 1, 2 dhe 3 ka shkaktuar disa tërmete duke nisur nga largimi i 744 mijë shqiptarëve të cilët kanë braktisur vendin gjatë 7 viteve të fundit, deri te falimentimimi i 107 bizneseve.  Sipas tij shprehja se do ta bëjmë tërmet, nuk është gjë tjetër veçse rikthimi i gjuhës dhe veprimit të ‘dosjes 184’ të vjedhjes së zgjedhjeve.

DEKLARATË E ANËTARIT TË KRYESISË SË PD, ENO BOZDO

Edi Rama e shpalli me të madhe në rrjetet sociale se qeveria që ai drejton, dhe me anë të së cilës përdhunon Shqipërinë, është mbledhur dhe ka qarë hallet e kombit për plot 16.5 orë. Në fund vendimi i marrë ka qenë një: do ta bëjmë tërmet!

Për të mbërritur te ‘tërmeti’, qeverisë i janë dashur 16.5 orë. Cilido shqiptari i duhen më pak se 2 minuta për të kujtuar ‘tërmetet’ që Qeveritë Rama 1, 2 dhe 3 u kanë hedhur në shpinë Shqipërisë:

  1. 744 mijë shqiptarë kanë braktisur vendin gjatë 7 viteve të fundit,
  2. 40% e familjeve shqiptare konsiderohen zyrtarisht në varfëri,
  3. 70% e shqiptarëve që punojnë deklarojnë se nuk u mjafton paga për të mbyllur muajin,
  4. Pagat dhe pensionet reale janë më të ulta se ato në vitin 2013 dhe shqiptarët sot përballen me çmimet më të larta të produkteve ushqimore në Evropë në raport me fuqinë blerëse,
  5. Shqiptarët paguajnë naftën më shtrenjtë se në Gjermani, Norvegji, Itali, Francë, dhe shumicën absolute të vendeve të BE,

6 Shqiptarët sot kanë çmimin më të lartë të energjisë elektrike në rajon, me përjashtim të Malit të zi,

  1. Shqipëria sot është në fund të raporteve ndërkombëtare për klimën e bërjes biznes dhe ka korrupsionin më të lartë në çdo nivel të qeverisjes;
  2. 430 milion euro janë dhënë për tre inceneratorë, njëri prej të cilëve nuk punon, tjetri nuk ekziston dhe i treti është në remont që prej ditës së parë;
  3. Bandat dhe krimi terrorizojnë vendin dhe e kanë kthyer Shqipërinë në një fushë të larjes së hesapeve të tregtisë së drogës, të cilën e lejon dhe promovon shteti i Edi Ramës;
  4. Të paktën pesë të rinj janë vrarë nga policia e Ramës;
  5. Shtypi i huaj ka ngritur alarmin e pastrimit të parave nëpërmjet industrisë së ndërtimit në Tiranë dhe bregdet,
  6. Kundër kritikave ndërkombëtare, Rama planifikon amistinë fiskale për paratë e pista dhe pasaportat e arta për të korruptuarit e gjithë botës;
  7. Kostoja e lëvizjeve me avion-taksi të Edi Ramës është 22 milion euro;
  8. 1 km autostradë fushore në BE ndërtohet me 2-3 milion euro, në Shqipëri me 24 milion;
  9. Gjatë qeverisjes Rama falimentuan 107 mijë biznese;
  10. Tirana është një ndër 10 qytetet më të ndotura në botë.

Këto janë tërmetet që ka prodhuar Edi Rama, dhe shprehja se do ta bëjmë tërmet, nuk është gjë tjetër veçse rikthimi i gjuhës dhe veprimit të ‘dosjes 184’ të vjedhjes së zgjedhjeve. Nuk është gjë tjetër veçse thirrja që u bëhet patronazhistëve dhe krimit që të bëhen gati për zgjedhjet e 14 majit.

Tërmeti i 14 majit do ta zërë poshtë Ramën dhe bashibozukët që ka në patronazh. Gjuha si e Damjan Tërmetit dhe Tërmet Peçit nuk e tremb Partinë Demokratike, por është shenja e demencies politike të Edi Ramës.

 

 

 

Pas