Aktualitet

Rama takon Dua Lipën: Brenda meje mbeti gjurma e vajzës modeste


Bëhu pjesë e Grupit Zyrtar të Opinion.al
>> KËTU <<
               Publikuar në : 14:44 - 23/07/21 |
Opi Nion

Këngëtarja shqiptare me famë botërore, Dua Lipa, ka mbërritur në Tiranë, ku pritet të zhvillojë një koncert. Gjatë vizitës së saj në kryeqytetin shqiptar, Dua është takuar edhe me kryeministrin Edi Rama.

Kreu i qeverisë ka publikuar një foto krah këngëtares me origjinë shqiptare, ndërsa nuk kanë munguar superlativat për atë çka ajo ka arritur në muzikën botërore.

“DUA LIPA që ka kapur qiellin e botës muzikore s’ka nevojë për asnjë koment, ndërsa një koment për Duan që pata kënaqësinë të njoh, unë dua ta ndaj me ju.
Uroj që ajo të rrojë e të mbretërojë 100 vjet në fronin ku është ulur, po brenda meje mbeti gjurma e vajzës së mençur, të edukuar e modeste si të ishte askushi, e cila është me siguri krenaria e lumturia e prindërve dhe e krejt familjes së saj, pikërisht sepse çka i takon botës nga ylli i muzikës, nuk ka prekur asnjë fije atë çka u takon atyre nga vajza e tyre. Çfarë çike❤️”, shkruan Rama.

Dua Lipa ka takuar edhe kreun e bashkisë Tiranë, Erion Veliaj. Kryebashkiaku i dhuroi këngëtares së famshme një targë simbolike “Dua 100”, kapelen e gruas tironse, si dhe diskun muzikor me këngë popullore të Shqipërisë së mesme, realizuar në 100-vjetorin e Tiranës kryeqytet, “Tirana 100”. Ndërsa, Dua Lipa i dhuroi Veliajt albumin e saj më të fundit, që po thyen rekordet botërore, “Future Nostalgia”, i cili për 6 muaj ka qëndruar në top 10-en e këngëve më të mira./Opinion.al

Pas