Aktualitet

Rama: Po mendojmë vendosjen e një tatimi të jashtëzakonshëm për prodhuesit e energjisë



Bëhu pjesë e Grupit Zyrtar të Opinion.al
>> KËTU <<
               Publikuar në : 13:14 - 18/10/22 |
Opi Nion

Kryeministri Edi Rama në një takim të zhvilluar këtë të martë në Përmet, ka deklaruar se qeveria po diskuton për vendosjen e një tatimi të jashtëzakonshëm për prodhuesit e energjisë.

Sipas Ramës,  këta prodhues kanë fitime marramendëse nga fati.

Më tej ai tha se e cilëson tatimin që po diskutohet të vendoset për prodhuesit e energjisë të jashtëzakonshëm, pasi sipas tij është një tatim i një kohe të jashtëzakonshme ku nuk është e mundur që një grup njerëzish të nxjerrin fitime marramendëse, ndërkohë që diskutohet rritja e pagave të zjarrfikësve.

“Sot që flasim ne po diskutojmë vendosjen e një tatimi të jashtëzakonshëm për prodhuesit e energjisë, në dialog me ta duke ndjekur direktivën europiane sepse prodhuesit e energjisë ata që e prodhojnë dhe e shesin, nuk është se i kemi të panumërt, por kemi disa, kanë fitime marramendëse. Fitime marramendëse të cilat vijnë nga fati. Fitime të fatit sepse faktikisht nuk kanë bërë asgjë për të pasur shumëfishin e fitimeve. Prandaj duhet të paguajnë një taksë, një tatim, shumë më të lartë. Pse ne po mendojmë për vendosjen e këtij tatimi të jashtëzakonshëm po e quaj sepse është një tatim i jashtëzakonshëm, është një tatim i një kohe të jashtëzakonshme ku nuk është e mundur që një grup njerëzish pavarësisht se kemi gjithë respektin për ta, kompani të mëdha që kanë investuar për strukturat e prodhimit të energjisë, të nxjerrin fitime marramendëse, ndërkohë që ne këtu diskutojmë që nuk mund të rrisim dot këto tre muaj aq sa duhet pagat e zjarrfikësve, se e kam peng që llogaria na pengoi ta bënim që tani dhe i rritëm vetëm 7% ndërkohë që ata janë njerëz që çdo vit e më shumë përballen me një botë që ka gjithmonë e më shumë zjarre dhe me një Shqipëri që ka gjithmonë e më shumë zjarre. Pra njerëz që hidhen në zjarr realisht. Prandaj taksa që ne duam të vendosim është jo një takse për të rritur të ardhurat në mënyrë abstrakte, por për t’u kaluar nga prodhuesit tek njerëzit drejtpërdrejtë. Ne i kemi indeksuar dy herë pensionet si asnjëherë më parë”-tha Rama.

Pas