Bota

Britania në krizë ekonomike, Liz Truss kërkon falje: Doja të ndihmoja njerëzit



Bëhu pjesë e Grupit Zyrtar të Opinion.al
>> KËTU <<
               Publikuar në : 13:47 - 18/10/22 |
Opi Nion

Kryeministrja britanike Liz Truss kërkoi falje për mini-buxhetin e diskutueshëm që rrëzoi monedhën e vendit, tronditi tregjet financiare dhe çoi në shkarkimin e ministrit të financave të qeverisë së saj dhe njëkohësisht aleatit të saj më të ngushtë politik.

Në një intervistë për BBC, Truss theksoi se ajo do të drejtonte Partinë e saj Konservatore në zgjedhjet e ardhshme të përgjithshme, pavarësisht se qeveria e saj ishte nën presion të madh nga investitorët dhe anëtarët e partisë që kur mini-buxheti u prezantua në fund të shtatorit.

Plani, i cili propozoi ulje taksash, huamarrje të madhe qeveritare dhe përjashtoi kompanitë e energjisë nga një taksë e papritur e çoi paundin në rënien në nivelin më të ulët të tij kundrejt dollarit në dekada.

“Dua të pranoj përgjegjësinë dhe të kërkoj falje për gabimet që janë bërë. Doja të veproja për të ndihmuar njerëzit me faturat e tyre të energjisë për t’u marrë me çështjen e taksave të larta, por ne shkuam shumë larg dhe shumë shpejt,” i tha Truss Chris Mason të BBC-së.

“Kam vendosur një ministër të ri financash me një strategji të re për të rivendosur stabilitetin ekonomik”, u shpreh Truss./Opinion.al

Pas