Të paktën 24 persona kanë vdekur dhe më shumë se 20 persona rezultojnë të zhdukur, pas shirave të rrëmbyeshëm që ranë për brenda pak orësh në Teksas.
Në një konferencë për shtyp të premten vonë, Sherifi i Qarkut Kerr, Larry Leitha, tha se 24 persona ishin vrarë. Autoritetet thanë se deri më tani janë shpëtuar 237 persona, përfshirë 167 me helikopter.
“Disa janë të rritur, disa janë fëmijë”, tha nënguvernatori i Teksasit, Dan Patrick.
Ekipet e kërkimit kryen operacione shpëtimi me varka dhe helikopterë në ujërat e përmbytjeve që lëviznin me shpejtësi dhe ekipet e ndihmës së shpejtë vazhduan të kërkonin për ata që rezultuan të zhdukur.
Ngjarja ndodhi pas të paktën 25 cm shiu që ra gjatë natës në Qarkun Qendror të Kerr, duke shkaktuar përmbytje të menjëhershme të një lumi aty pranë.
