Aktualitet

Rama: Nuk i ndryshoj ministrat e mi


Bëhu pjesë e Grupit Zyrtar të Opinion.al
>> KËTU <<
               Publikuar në : 13:02 - 13/11/15 |
b.f

TIRANË- Ka përfunduar rreth orës 12:30 takimi i nisur në orën 10:00 në vilën qeveritare mes Kryeministrit Rama dhe Kryeparlamentarit Meta, shoqëruar nga disa ministra dhe eksponentë të rëndësishëm të dy aprtive. Në përfundim të dy si Rama dhe Meta u janë përgjigjur pyetjeve të gazetarëve. Kështu Kryeministri Rama i cili doli i pari nga takimet ka deklaruar se nuk do të ketë ndryshime në Qeverie, duke këmbëngulur se çdo gjë që ka thënë ka rezultuar 100 për qind e vertetë. I pyetur për zotin Naço, ai tha se nuk mund ti ndalojë dorëheqjen personale të ministrave.

I pyetur për marrëdhëniet e koalicionit dhe asaj çka aludohet në media për një kërcëtitje me Metën ai tha se reformat dhe votimi në Parlament e tregojnë faktin se mazhoranca është solide.

“Zgjedhjet e parakohshme janë fantazi mediatike. Forcën e koalicionit e tregon ecuria e reformave. Përsa i përket ministrit të Drejtësisë ai ka thënë dorëheqjen është zgjedhur ministri tjetër për ti dhënë një shtytje më të fortë reformave. Ministri i ri është zgjedhur me miratimin tim të plotë”, tha Rama.

Sakaq pyetjes se nëse mungesa e deputetëve të LSI nëpër seanca plenare tregon për përçarje, Rama tha: “Broçkulla! Gjatë seanca të gjata deputetët kanë të drejtë të lëvizin e rëndësishme është që në fund ne votojmë bashkërisht si një mazhorancë.”

Ndërsa për takimin e sotëm ku morën pjesë edhe Braho Ruçi, Tahiri, Gjiknuri, Beqaj, Manjani dhe Vasili, Kryeministri tha se kishte në fokus progres-raportin dhe projekbuxhetin.

 

KOMENTO (0)

Shkruaj nje koment

    Pas