Kryesore

Rama: Nuk është koha më e mirë për rrugëtimin në BE


Bëhu pjesë e Grupit Zyrtar të Opinion.al
>> KËTU <<
               Publikuar në : 20:12 - 06/07/21 |
Opi Nion

Kryeministri Edi Rama e cilëson suksesin më të madh të diplomacisë shqiptare zgjedhjen e Shqipërisë si anëtare të përkohshme në Këshillin e Sigurimit të OKB.

“Është një sukses i madh, më i madhi në historinë e diplomacisë shqiptare dhe një arsye për të kuptuar se pavarësisht përmasave modeste të vendit tonë, Shqipëria mund dhe duhet të bëjë më shumë për veten dhe të tjerët, sidomos për rajonin tonë. Kjo arritje është e rëndësishme edhe për Ballkanin Perëndimor. Pas kryesimit të OSBE-së, ku për hir të së vërtetës lamë një përshtypje shumë të mirë, them se ulja jonë në KS, rikonfirmon një standard të ri maturie dhe respekti ndërkombëtar për Shqipërinë. Do të doja të falënderoja të gjitha vendet që e mbështetën vendin tonë në këtë stacion ku asgjë nuk ishte e sigurt” tha ai.

Në ceremoninë e organizuar në Pallatin e Brigadave, Rama tha se në mandatin e tretë objektivat Rama i ka të qarta

“Unë së bashku me shumicën e rizgjedhur të shumicës qeverisëse do ta lejojmë këtë sfidë si arsyen kryesore për t’u angazhuar edhe më shumë. Për të punuar me të gjitha fuqitë që kjo dekadë të bëhet dekada e ngjitjes së një majë ku dielli të shkëlqejnë për të gjithë shqiptarët”,-tha Rama.

Për integrimin nuk e sheh kohën e përshtatshme dhe për këtë fajëson BE-në.

“Nuk është tërmet, as pandemi, as një det i qetë politika europiane sot dhe për pasojë nuk është koha më e mirë për rrugëtimin tonë drejt BE-së” tha Rama.

Në 11 Qershor Shqipëria u zgjodh për herë të parë anëtare e përkohshme e Këshillit të Sigurimit të OKB për një mandat 2 vjeçar. Mandati fillon më 1 janar 2022. / Opinion.al

Pas