Aktualitet

Punëtorët e Poçemit në ditën e 8 të grevës:Erion Braçe na mbylli telefonin


Bëhu pjesë e Grupit Zyrtar të Opinion.al
>> KËTU <<
               Publikuar në : 11:33 - 20/02/20 |
Al Do

Punëtorët e stacionit të Pompimit të Poçemit kanë hyrë në ditën e tetë të grevës së tyre të urisë.

Ata thonë se nuk do të heqin dorë nga kauza e tyre edhe sikur kjo ti kushtojë jetën. Greva e urisë ishte akti i tyre i fundit në protestën për të marrë 27 paga të prapambetura.

Një prej grevistëve ka thënë për Report Tv se kur kanë kontaktuar kryeministrin Erion Braçe ai u ka fikur telefonin. Ai thotë më tej se ata kanë kontaktuar edhe me prefektin dhe deputetët e zonës por nuk kanë marrë asnjë zgjidhje për problemin e tyre.

“Gjendja sa po vjen e po bëhet më e rëndë. Kemi një brengë të madhe nga ky shtet. Këta janë një grusht kriminelësh dhe hajdutësh që presin që këta njerëz të shkojnë të vdekur në familjet e tyre. Po ta harroj ky shtet, se më mirë shkojmë të vdekur se sa të gjallë sepse njësoj është për fëmijët tanë që kanë ngelur pa bukë. Kemi marrë prefektin në telefon por ai nuk do t’ia dijë fare, i ka mashtruar sot e 3 vjet. Kemi marrë zv. kryeministrin, zotin Erion, sa e ka marrë vesh e ka fikur telefonin. Kemi marrë deputetin e zonës. Nuk pranon të vijë. Nuk kam tha mundësi të vij se skam se çfarë u them. Këta që e drejtojnë këtë vend janë më të fëlliqurit në botë. Zotëria këtu nuk pranon as serum dhe ka thënë dje se më mirë të shkojë i vdekur në shtëpi. Nuk pranon”, u shpreh grevisti.

Ndërsa një tjetër nga grevistët tha se ndëkombëtarët duhet të mbajnë një qëndrim për këtë çështje.

I bëjmë thirrje të gjithë ambasadave të huaja të ndërhyjnë këtu sepse është një turp i madh. Ne po nuk morën rrogat nuk lëvizim që këtej. Këtu do vdesim të gjithë’, shprehet grevisti. /Opinion.al

Pas