Kronikë

Protesta e 8 janarit/Prokuroria njoftim: 34 të arrestuar, ja për çfarë akuzohen


Bëhu pjesë e Grupit Zyrtar të Opinion.al
>> KËTU <<
               Publikuar në : 17:01 - 10/01/22 |
Opi Nion

Prokuroria e Tiranës ka informuar lidhur me protestën e 8 janarit të zhvilluar para selisë së Partisë Demokratike, përmes një njoftimi për mediat bëhet e ditur se nga veprimet hetimore rezulton të jenë arrestuar 34 persona.

Mësohet se të arrestuarit janë të dyshuar për vepra penale të ndryshme; si “Shkatërrim prone”, “Prishja e qetësisë publike”, “Shkelja e rregullave mbi lëndët plasëse, djegëse dhe radioaktive”, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta”.

Gjithashtu prokuroria thekson se po kryhen veprimet e duhura në drejtim të individualizimit të veprimeve të kryera nga secili prej personave të arrestuar dhe personave të tjerë të përfshirë në veprime në kundërshtim me ligjin.

Bëhet e ditur se nga hetimet e deritanishme rezulton të jenë ngritur si pista hetimi:

– dhuna e ushtruar nga protestuesit në drejtim të selisë së PD-së dhe pasojat e ardhura si shkatërrim prone,

– përdorimi i lëndëve të panjohura në drejtim të protestuesve para ndërhyrjes së policisë dhe dhuna e ushtruar në drejtim të tyre,

– mbajtja e sendeve të ndryshme të paligjshme dhe individualizimi i autorëve,

– si dhe çdo e dhënë tjetër e pretenduar deri në këtë fazë.

Prokuroria informon se hetimet vijojnë në mënyrë intensive në drejtim të marrjes së të dhënave me vlerë hetimore. Ndërsa bëhet e ditur se po kryhen të gjitha veprimet si:

– sekuestrimet e pamjeve filmike në të gjitha ambientet me vlerë hetimore,

– marrja në pyetje e të gjithë personave që kanë dijeni për rrethanat e ngjarjes,

– si dhe çdo lloj veprimi tjetër që do dalë i nevojshëm nga dinamika në vijim.

Prokuroria e Rrethit Gjyqësor Tiranë thekson se është e angazhuar maksimalisht për kryerjen e hetimeve me objektivitet si në çdo rast, me qëllim zbardhjen e plotë të rrethanave të ngjarjes dhe vënien para përgjegjësisë penale të çdo personi që ka kryer veprime në kundërshtim me ligjin.

Pas