Kryesore

Protesta 8 janarit/Basha raport ambasadorëve dhe KE: Berisha sulmoi brutalisht PD


Bëhu pjesë e Grupit Zyrtar të Opinion.al
>> KËTU <<
               Publikuar në : 15:52 - 11/01/22 |
Opi Nion

Kreu i Partisë Demokratike Lulzim Basha bërë një raport të detajuar për protestën e 8 janarit, të cilën ua ka dërguar ambasadorëve të huaj në vend dhe KE.

Opinion.al ka raportin në gjuhen angleze, i cili përmban përshkrimin e asaj që ka ndodhur në PD orë pas ore, gjatë protestës të 8 janarit.

Ashtu siç mund të shihni, raporti është i shoqëruar edhe me foto të protestës në seli, ku shfaqen militantë me vare e çekiçë në duar, ndërsa përgjegjësin kryesore dhe udhëzuesin e të gjithë kësaj dhunë PD bën fajtorë Sali Berishën.

Në raport përmendet edhe incidenti i Roland Bejkos dhe marrja në mbrojtje nga Garda e deputetit Enkelejd Alibeaj pasi ishte kërcënuar me jetë nga njerëzit që Berisha i solli para selisë blu.

Në asnjë rresht të dokumentit të PD nuk përmendet fortifikimi dhe dyert e blinduara që iu vunë godinës para protestës së 8 janarit.

Në raport theksohet se “deputeti Sali Berisha sulmoi brutalisht dhe në mënyrë të paprecedentë selinë blu me qëllimin largimin me forcë të kryedemokratit Lulzim Basha”.

Në raport gjithashtu flitet edhe për hetimin që policia dhe prokuroria e Tiranës zhvilloi në selinë e PD, ndërsa ngre shqetësimin se disa prej deputetëve dhe përfaqësuesve të PD u morën në pyetje për herë të dytë nga hetuesit.

Në fund raporti mbyllet me reagimet ndërkombëtare që dënuan dhunën e ushtruar në protestë dhe mbulimin që i bënë disa nga mediat botërore ngjarjeve të 8 janarit në selinë blu./Opinion.al

Pas