Aktualitet

Programi i PD/ Basha: Stabilizojnë krizën në të cilën është zhytur turizmi


Bëhu pjesë e Grupit Zyrtar të Opinion.al
>> KËTU <<
               Publikuar në : 10:02 - 12/02/21 |
Doriana Çepunaj

Kreu i PD, Lulzim Basha këtë të premte ka qenë në Durrës, ku po vijon shpalosjen e  programit “Shqipëria fiton” për turizmin, me të cilin garon në zgjedhjet e 25 prillit.

Gjatë bisedës me sipërmarrës të agjencive turistike, kreu i PD  tha se objektivat e planit të prezantuar nga forca politike që ai drejton janë realiste dhe të realizueshme.

Ndër të tjera kryedemokrati tha se objektivat e PD janë të qarta teksa foli për një rritje prej 15% çdo vit dhe një rritje prej të paktën 2% nga 8 në 10 e sektorit të turizmit në vetvete ku nuk përfshihet sektori i agjencive të udhëtimeve.

“Janë objektiva realiste, të zbatueshme, por që pa diskutim në tërësinë e tyre si pjesë e planit, së pari stabilizojnë krizën e thellë në të cilën është zhytur turizmi shqiptar si pasojë e politikave të gabuara dhe goditjeve të njëpasnjëshme që ka marrë prej tyre. Pa diskutim të rënduara në rastin e Durrësit dhe jo vetëm nga tërmeti, por edhe më pas nga pandemia. Shpallja e objektivave është hapi i parë, por asnjë objektiv nuk qëndron aty si një premtim, është një angazhim dhe është një rezultat i proceseve dhe reformave që ne kemi propozuar. Disa prej tyre janë reforma që prekin të gjithë ekonominë, siç është taksa e sheshtë 9%, siç është ulja e çmimit të karburantit, siç është reduktimi masiv i burokracisë, i lejeve, i autorizimeve, i kërkesave që kërkon për çdo sektor që aksesohet nga shteti, duke përfshirë dhe sektorin e turizmit. Siç është çështja e çmimit të karburantit por dhe angazhime të tjera që kanë të bëjnë me të gjithë ekonominë. Një pjesë është e fokusuar te turizmi. Është e fokusuar te turizmi për të theksuar natyrën e turizmit si prioritet kombëtar brenda planit tonë të zhvillimit ekonomik. Dhe këtu objektivat tona janë të qarta. Një rritje prej 15% çdo vit dhe një rritje prej të paktën 2% nga 8 në 10 e sektorit të turizmit në vetvete ku natyrisht nuk përfshihet sektori i agjencive të udhëtimeve ku bashkë me të volumin në ekonomi është më shumë se dyfish”, – iu tha Basha përfaqësuesve  të sektorit të agjencive turistike.

Një prej sipërmarrësve të këtij sektorit, gjatë bisedës me Bashën tregoi se si ky biznes nga kriza e thellë po shkon drejt falimentimit.

“Takimin e parë që kemi pasur bashkë, ishim tek zyra ime që aktualisht nuk është më, arsyet pothuajse i dimë tani të gjitha sepse të paktën flas për veten, nuk flas për të gjithë kolegët e mi, që kemi qenë nga më të harruarit si subjekt. Nuk kishim as edhe ndihmën më të vogël, normalisht ndoshta dhe unë ngaqë kisha një eksperiencë 4-vjeçare, nuk arritëm dot ta përballojmë deri në fund pasi menduam që do të kalojë një muaj, dy muaj, tre muaj. Fatkeqësisht zgjati shumë dhe përkrahja ishte zero. Lamë ato 10 punëtorë punonjës të agjencisë, i lamë në shtëpi, edhe u detyruam drejt mbylljes”, tha sipërmarrësi./Opinion.al

 

 

Pas