Histori 600-vjeçare e pushtetit dhe pasurisë familjare. Më pas në vitin 2006, princi Manvendra Singh Gohil, trashëgimtari i maharaxhait Rajpipla në shtetin Indian të Gujaratit, deklaroi se ishte gei. Në këtë mënyrë e humbi trashëgiminë princërore. E ëma pushtoi një faqe gazete me deklaratën e saj të mohimit.
Nisën madje edhe kërcënimet me jetë, pasi homoseksualiteti në Indi ishte tabu e madje i dënueshëm
edhe me një ligj viktorian, që u rrëzua me pas në vitin 2018.
Në atë kohë princi merrte pjesë në paradën e geive në Amsterdam. “Tek ne personat që deklarohen gei ose lesbike apo biseksualë janë nën presione të shumta edhe nga familjet e shpesh detyrohen të martohen për t’u kamufluar apo dëbohen nga shtëpia”, tregonte ai në vitin 2018.
Në një intervistë të fundit në New York Times, ai ka treguar se ishte martuar me një princeshë të familjes mbretërore Jhabua në vitin 1991.
“Ishte martesë e vullnetshme, nuk kisha patur kurrë kontakte me një vajzë, sepse edhe seksi jashtëmartesor atëherë ishte i ndaluar. Por pas martesës e kuptova që nuk isha i interesuar seksualisht për gratë. Shkonim mirë si miq, por nuk ndieja më të voglën tërheqje fizike për të”, ka treguar ai.
Pas divorcit nisi një periudhë e vështirë. Prindërit nuk e pranonin dhe i thoshin se duhej të kishte një kurë për shëërimin e homoseksualitetit. “Në fund vendosa që nuk mundesha më dhe në një intervistë në një gazetë indiane tregova gjithçka”, rrëfen ai. Që nga ajo ditë e ëma nuk i flet. Në vitin 2013 ai u martua me një të ri amerikan.
I ati që ende mban titullin maharaxhah thotë se familja më në fund e ka pranuar. Ai I ka lënë të birit një rezidencë ku jeton me partnerin. Në moshën 55 vjeçare Manvendra për të gjithë ata që nuk kanë se ku të shkojnë pasi deklarohen si gei apo lesbike në Indi. Në dhomat e rezidencës mbahen edhe kurse profesionale për komunitetin lgbt. “Unë nuk kam fëmijë dhe kam një shtëpi të madhe, ndaj e vura në dispozicion”, tha ai./Opinion.al
