Bota

Ish-Mbreti i Spanjës largohet nga vendi për t’iu shpëtuar hetimeve


Bëhu pjesë e Grupit Zyrtar të Opinion.al
>> KËTU <<
               Publikuar në : 19:04 - 03/08/20 |
el ida

Ish-Mbreti i Spanjës, Juan Carlos, i dyshuar për korrupsion, do të largohet nga Spanja. Lajmi u bë me dije nga Oborri Mbretëror spanjoll, për mediat.

Ish-Mbreti ka thënë se po largohet për “shkak të pasojave” që mund t’i shkaktojnë akuzat djalit te tij, Mbretit Filipe VI, i cili mori fronin në 2014.

Më 9 qershor 2020, Gjykata e Lartë e Spanjës nisi hetimin për ish-Mbretin Juan Carlos për rolin e tij në lidhjen e një kontrate prej 6,7 miliardë euro të fituar nga bashkimi i disa kompanive spanjolle për projektin e ndërtimti të trenit të shpejtë që lidh Mekën me Medinën, me Arabinë Saudite.

Duke qenë se Mbreti Juan Carlos gëzonte imunitet ai u largua nga froni duke ia kaluar kurorën djalit të tij Filipe më 2014. Por, pavarësisht kësaj, prokurorët mund të hetonin veprimet e tij pas largimit.

Në shtator 2018 hetimi mbi korrupsionin u hap pas publikimit të përgjimeve të ish-të dashurës së tij, ku thuhej se Juan Carlos ka marrë bakshish për fitimin e kontratës nga Arabia Saudite.

Mbreti i tanishëm Felipe u distancua nga veprimet e të jatit, duke thënë se nuk kishte dijeni për kontratën dhe hoqi dorë nga çdo pasuri e trashëguar nga i jati. Ai vendosi të pezullonte edhe pagesat mujore të kryera nga Oborri mbretëror për ish-Mbretin Carlos./Opinion.al

Pas