Bota

Përleshjet për pushtetin në Tripoli, 32 të vdekur dhe 159 të plagosur



Bëhu pjesë e Grupit Zyrtar të Opinion.al
>> KËTU <<
               Publikuar në : 15:07 - 28/08/22 |
Opi Nion

Përleshjet e përgjakshme kanë nisur që nga e premtja në kryeqytetin libian, Tripoli, me raportin e fundit nga Ministria e Shëndetësisë e vendit që flet për 32 të vdekur dhe 159 të plagosur.

Luftimet mes grupeve të armatosura që shpërthyen natën e së premtes ndaj të shtunës në Tripoli, në sfondin e kaosit politik dhe konfliktit mes dy qeverive që po luftojnë për pushtet.

Qetësia u kthye në Tripoli të dielën pas përleshjeve midis grupeve të armatosura në disa rrethe të kryeqytetit libian.

Të shtëna me armë zjarri dhe granatime janë dëgjuar gjatë gjithë natës së të premtes dhe gjatë ditës së djeshme, të shtunën, deri në mbrëmje në disa rrethe të kryeqytetit.

Dy qeveri kanë konkurruar për pushtet që nga marsi: njëra me bazë në Tripoli nën drejtimin e Abdelhamid Dbayba nga viti 2021 dhe një tjetër nën drejtimin e Fatih Batsaga e mbështetur nga kampi i Marshallit Khalifa Haftar, njeriu i fortë në Libinë lindore.

Përplasjet rezultuan në dështimin e përpjekjes së Fatih Batsaga për të rrëzuar qeverinë e rivalit të tij, sipas mediave dhe ekspertëve.

Grupet e armatosura të konsideruara neutrale, veçanërisht Forca al-Radaa, janë rreshtuar me Dbayba, duke luajtur një rol vendimtar në rezultatin e luftimeve.

Kjo është përpjekja e dytë e dështuar e Batsaga, një ish-ministër i brendshëm, për të larguar rivalin e tij nga pushteti.

Përplasjet e reja janë në një shkallë të paprecedentë pas dështimit në qershor 2020 të fushatës së Marshal Haftar për të marrë kryeqytetin ushtarakisht në kulmin e konfliktit civil që pasoi rënien e regjimit të kolonelit Muammar Gaddafi në 2011. Libia u zhyt në krizë politike në fund të sundimit të Gadafit me rivalitete midis provincave kryesore, luftë për pushtet dhe ndërhyrjeve të huaja./Opinion.al

Pas