Bota

Për herë të parë në histori gjykata vendos ndotjen e ajrit shkak vdekjeje


Bëhu pjesë e Grupit Zyrtar të Opinion.al
>> KËTU <<
               Publikuar në : 22:22 - 16/12/20 |
el ida

Ndotja e ajrit është cilësuar vazhdimisht si “vrasësi i padukshëm”,  ndërsa në Britaninë e Madhe vlerësohet se rreth 40,000 njerëz vdesin para kohe për shkak të saj.

Por të Mërkurën, për herë të parë në histori, një gjykatë Britanike vendosi që ndotja e ajrit ishte përgjegjëse për vdekjen e një vajze nëntë vjeçare nga Londra jug-lindore.

Sipas përfundimit të ekspertizës mjekësore, ndotja e ajrit luajti një rol kryesor në vdekjen e vajzës nëntë vjeçare:

“Përfundimi im është se ndotja e ajrit kontribuoi në vdekjen e Ella Anto Kisi Debra në 2013.”

Kështu deklaroi Zëvendës Ekperti Mjekësor, Philip Barlow, pas dy javësh dëgjesash që përfunduan të Premten.

Vajza pësoi kriza të shumta epileptike dhe u shtrua në spital pothuajse 30 herë para se të vdiste, në shkurt 2013. Një hetim i vitit 2014 arriti në përfundimin se ajo vdiq nga ndalesa akute e frymëmarrjes por ky përfundim nuk u pranua nga Gjykata e Lartë pas provave të reja, që rezultuan me nivele të rrezikshme të ndotjes së ajrit pranë shtëpisë së saj.

Çështja filloi në të vërtetë në vitin 2018, kur hetimi i kërkuar nga familja e nëntë vjeçares zbuloi nivele jashtëzakonisht të larta të ndotjes së ajrit vetëm një kilometër nga shtëpia e Ellas.

Ella jetonte 25 metra nga South Circular Road në Lewisham, në jug-lindje të Londrës, një nga rrugët më të ngarkuara në kryeqytetin britanik.

Hetimi zbuloi një “lidhje të çuditshme” midis shkuarjeve të vajzës në spital dhe përqendrimeve të pikut të dioksidit të azotit dhe grimcave të tjera të regjistruara pranë shtëpisë së saj.

“Ndotja e ajrit është një faktor i rëndësishëm për të kontribuar në shfaqjen dhe përkeqësimin e astmës”, shpjegoi Philip Barlow.

Ekipi mjekësor tha se nëna e Ella nuk kishte marrë ndonjë informacion “në lidhje me rreziqet e ndotjes së ajrit dhe potencialin e saj për përkeqësimin e astmës”.

“Nëse ajo do ta kishte këtë informacion, ai do të kishte marrë masa që mund të kishin parandaluar Ella të vdiste.”/Opinion.al

Pas