Sociale

Vendimi/Shpërblim 10 mijë lekë për punonjësit e transportit publik


Bëhu pjesë e Grupit Zyrtar të Opinion.al
>> KËTU <<
               Publikuar në : 22:44 - 16/12/20 |
el ida

Një vendim i Këshillit të Ministrave ka miratuar shpërblim në festat e fundvitit për punonjësit e shërbimit të transportit publik, qytetas dhe ndërqytetas.

Lajmin e bën të ditur përmes një publikimi në rrjetet sociale Drejtori i Përgjithshëm i Shërbimeve të Transportit Rrugor, Blendi Gonxhja, i cili pohon se ky fond është mundësuar nga vetë DPSHTRR.

Ai shprehet se shuma e vënë në dispozicion për secilin prej këtyre punonjësve do të jetë 10 mijë lekë, ndërkohë që pohon se sektori i transportit ka qenë një ndër më të goditurit nga pandemia.

“U miratua sot VKM për Ndihmën Solidare në vlerën 10,000 Lekë për secilin nga 10,000 të punësuarit dhe ish-të punësuarit në vitin 2020 në subjektet e transportit publik, qytetas, ndërqytetës dhe shërbim taksi, që do kalojë direkt në numrat e llogarive bankare sipas listës dhe brenda Dhjetorit 2020”, shkruan Gonxhja.

Më tej ai njofton se janë miratuar edhe 420 paga lufte shtesë për këta punonjës.

“U miratua gjithashtu edhe shtesa për 420 Paga Lufte (26,000 Lekë) për punonjësit dhe ish-punonjësit në subjektet e transportit publik, qytetas dhe ndërqytetës të cilët nuk mundën ta përfitonin te Paketa e Qershorit (financuar po nga DPSHTRR)”, shkruan Gonxhja në Facebook./Opinion.al

Pas