Kryesore

PD: Drejtorët e shkollave po kërkojnë kartat e identitetit të prindërve


Bëhu pjesë e Grupit Zyrtar të Opinion.al
>> KËTU <<
               Publikuar në : 14:53 - 08/10/20 |
Al Do

Partia Demokratike ka vijuar akuzat ndaj mazhorancës se po përdor punonjësit e institucioneve publike për të deformuar votën e qytetarëve më 25 prill.

Ish-deputeti, Luçiano Boçi ka deklaruar se drejtorët e shkollave janë urdhëruar të marrin të dhënat personale të prindërve dhe nxënësve.

Në lojë kanë hyrë edhe drejtorët e shkollave, të cilët janë disa militantë që nuk punojnë për të mirë e nxënësve, por i shërbejnë partisë shtet. Drejtorët e shkollave janë urdhëruar të marrin të dhënat personale nga prindërit e nxënësve. Prindërve u është kërkuar në grupet e whatsapp -it që të dërgojnë foto të kartave të identitetit, me justifikimin e teksteve mësimore. Ky është një keqpërdorim skandaloz që u bëhet shkollave, është një politizim i dëmshëm i qendrave të dijes, të cilat po kthehen në organizata partie.”, deklaroi Boçi.

Konkretisht, ai denoncoi drejtorin e shkollës “Onufri” në Elbasan, që sipas tij ka kërkuar mbledhjen e kartave të identitetit të prindërve. Përfaqësuesi i PD paralajmëroi padi penale ndaj drejtorit të shkollës, Ervin Goxhaj.

Prandaj ndodhem në shkollën “Onufri” më Elbasan. Drejtori i kësaj shkolle, Ervin Goxhaj, me urdhër politik dhe të paligjshëm u ka kërkuar mësuesve të mbledhin kartat e identitetit të prindërve. Ky është një grup online i një klase në këtë shkollë, ku, në vend të ndahet shqetësimi për mësimin e cunguar dhe pa kushte, nxënësve u kërkohen kartat e identitetit të prindërve, sepse Edi Ramës dhe Taulant Ballës nuk i dalin llogaritë. Komunikimet elektronike që provojnë këtë ne i disponojmë dhe Drejtori i kësaj shkolle do të çohet menjëherë për ndjekje penale. Kjo do të ndodhë me këdo që do të guxojë të vjedhë identitetin e votuesve shqiptarë përmes mekanizmash të fëlliqur dhe presionit ndaj mësuesve. Nga Elbasani, i kërkoj Ministres së Arsimit të ndërpresë këtë praktikë që, së pari, turpëron atë vetë si pedagoge që ka dhënë mësim në Elbasan. Të mos u sigurosh nxënësve kushte normale për mësim apo kushtet minimale të sigurisë për shëndetin, por t’u kërkosh më dhunën e pushtetit të dhëna personale për llogari të partisë në pushtet, është kriminale. Asnjë skemë e tillë, asnjë makinacion nuk e shpëton dot Edi Ramën nga humbja. Numërimi mbrapsht për të ka filluar.”, u shpreh Luçiano Boçi. /Opinion.al

Pas