Kryesore

Asambleja Kombëtare e PS mblidhet nesër, vendimet që priten të merren


Bëhu pjesë e Grupit Zyrtar të Opinion.al
>> KËTU <<
               Publikuar në : 15:20 - 08/10/20 |
Opi Nion

Partia Socialiste ditën e nesërme do të mbledhë Asamblenë Kombëtare në amfiteatrin e Tiranës ku do të zgjidhen drejtuesit e saj të rinj.

Kjo asamble ishte shtyrë disa herë për shkak të pandemisë dhe ishte në dyshime mënyra se si do të mbahej.

Sipas statutit të PS-së asambleja kombëtare zgjedh organet drejtuese të partisë. Nga kjo asamble do të zgjidhet me votim të fshehtë sekretari i përgjithshëm, post që momentalisht mbahet nga Taulant Balla.

Gjithashtu pritet që të dale edhe komisioni i zgjedhjeve në parti, kryefinancieri dhe këshilli i mbikëqyrjes financiare të PS-së.

A2 ka publikuar rendin e plotë të asamblesë, i cili është si më poshtë:

RENDI I DITËS I MBLEDHJES SË ASAMBLESË KOMBËTARE TË PS

Pjesa e parë:

  1. Hapja e mbledhjes.
  2. Fjala e Kryetarit të Partisë dhe Kryeministrit, Edi RAMA.

III. Propozimi dhe zgjedhja e organeve drejtuese të Partisë.

Pjesa e dytë:

IV.Projekt-Rregullore për organizimin dhe zhvillimin e fushtës ”Zgjidh deputetin tënd”;

V.Miratimi i Librit të Rregullave të Partisë:

Projekt -rregullore: “Organizimi dhe funksionimi i AK të Partisë” ;

Projekt- rregullore: “Organizimi dhe funksionimi i Kryesisë së Partisë”;

Projekt-rregullore: “Organizimi dhe funksionimi i Sekretariatit Ekzekutiv të Partisë”;

Projekt-rregullore: “Komisioni i Garancive Statutore dhe Etikës”;

Projekt-rregullore: “Kryefinancieri dhe Këshilli i Mbikëqyrjes Financiare të Partisë”;

Projekt-rregullore: “Strukturat organizative vendore të Partisë”;

Projekt-rregullore: “Grupi i këshilltarëve socialistë në bashki”;

Projekt-rregullore: “Strukturat elektorale vendore”;

Projekt-rregullore: “Kodi i Etikës në Parti”;

Projekt-rregullore: “Kodi i Zgjedhjeve në Parti”;

Projekt-rregullore: “Votëbesimi në parti”;

Projekt-rregullore: “Marrëdhëniet e partisë me Organizatat e tjera”;

Projekt-rregullore: “Dokumentacioni në parti dhe administrimi i tij”;

VI.Mbyllja e mbledhjes.

Shënim: E detyrueshme mbajtja e maskës nga pjesëmarrësit në mbledhje

Pas