Sport

Pas skualifikimit të Juventusit Ronaldo thyen qetësinë: Koha për reflektim


Bëhu pjesë e Grupit Zyrtar të Opinion.al
>> KËTU <<
               Publikuar në : 13:19 - 09/08/20 |
Opi Nion

Dy golat e tij nuk arritën ta shpëtonin Juventusin nga eleminimi në Champions League. E sigurisht për Cristiano Ronaldon, kjo humbje nuk ka qenë e lehtë, ndërkohë që “ Zonja e Vjetër”, për të dytin vit radhazi i thotë lamtumirë një prej kupave të saj të preferuara.

Përmes një publikimi në instagram, portugezi flet për reflektim, ndërsa shprehet se shpreson që gjatë pushimeve të marri vendime më të mira.

“Ky sezoni mbaroi për ne, më vonë se zakonisht, por më herët nga sa prisnim. Tani është koha për të reflektuar, për të analizuar sepse mendimi kritik është e vetmja mënyrë për t’u përmirësuar. Një klub i madh si Juventusi duhet të mendojë gjithnjë si më i miri në botë, të punojë si më i mirë dhe vetëm në këtë mënyrë ne mund ta quajmë veten si një ndër klubet më të mirë dhe më të mëdhenj në botë.

Fitorja e Serie A në një vit kaq të vështirë është diçka për të cilën jemi të gjithë krenarë. Personalisht shënimi i 37 golave për Juventusin dhe 11 për Kombëtaren Portugeze është diçka që bën ta shoh të ardhmen me ambicie dhe dëshirë për të vijuar për të bërë sa më mirë çdo vit. Por fansat kërkojnë më shumë prej nesh. Shpresojmë që këto pushime të na lejojnë të marrim vendimet më të mira për të ardhmen dhe të rikthehemi më të fortë dhe më të angazhuar se çdo herë”, shkruan Ronaldo./Opinion.al

 

Pas