Bota

Pas refuzimit nga Greqia, cisterna iraniane lundron drejt Turqisë


Bëhu pjesë e Grupit Zyrtar të Opinion.al
>> KËTU <<
               Publikuar në : 15:55 - 29/08/19 |
el ida

Cisternë e naftës me flamur iranian, e cila prej javësh të tëra po ndiqet nga Shtetet e Bashkuara në Detin Mesdhe, ka ndryshuar drejtim dhe po lundron drejt Turqisë.

Adrian Darya 1, e njohur dikur si Grace 1, u konfiskua në fillim të muajit korrik nga autoritetet e Gjibraltarit, me ndihmën e marinsave britanikë. Ajo u ndalua nën dyshimin se po transportonte naftë të papërpunuar në Siri, duke shkelur kështu sanksionet e Bashkimit Evropian.

Pavarsisht se Shtetet e Bashkuar lëshuan një urdhër për sekuestrimin e saj me arsyetimin se kishte lidhje me trupat e Gardës Revolucionare të Iranit, të cilën Uashingtoni e ka përcaktuar si një organizatë terroriste, Gjibraltari e liroi cisternën më 15 gusht,

Pas lirimit nga ana e Gjibraltarit, cisterna ishte nisur drejt Greqisë, mirëpo autoritetet e Athinës thanë se nuk do ta presin atë.

Vetë zëvendës-ministri i Jashtëm grek, Miltiadis Varvitsiotis tha se Athina ishte “përballur me presion” lidhur me cisternën por e justifikoi vendimin me faktin se ajo është shumë e madhe për të hyrë në ndonjë nga portet e Greqisë, dhe nuk mund të shkarkojë ligjërisht naftën e saj të papërpunuar në vlerë 130 milion dollarë në rafineritë e Bashkimit Evropian./Opinion.al

Pas