Aktualitet

Pas Këshillit Basha mblodhi Grupin Parlamentar, zbulohen udhëzimet për deputetët


Bëhu pjesë e Grupit Zyrtar të Opinion.al
>> KËTU <<
               Publikuar në : 10:55 - 13/12/21 |
Opi Nion

Ditën e djeshme Partia Demokratike mblodhi Këshillin Kombëtar i cili miratoi unanimisht rezolutën e propozuar dy ditë më parë nga Kryesia e PD kundër lëvizjes dhe veprimtarisë së cilësuar anti-statutore dhe përçarëse të ndërmarra nga ish-kryeministri, Sali Berisha.

Sipas PD, Këshilli Kombëtar me votim të fshehtë dhe pasi konstatoi thyerje flagrante statutore dhe ligjore, votoi shkarkimin nga funksionet partiake të emrave të propozuara nga Kryesia e Partisë Demokratike. Në votimin me 257 anëtarë dhe 251 vota pro u shkarkua nga posti i kreut të Këshilli Kombëtar, Edi Paloka, nga kryesia u shkarkua Albana Vokshi, Aldo Bumçi, Gent Strazimiri, Oerd Bylykbashi, Flamur Noka. Po ashtu u shkarkuan sekretarët Ivi Kaso, Belind Këlliçi, Ervin Minarolli dhe Ledina Mandia.

Pas përfundimit të kësaj mbledhje, burime nga selia blu për Opinion.al bëjnë me dije se kryetari Basha mblodhi edhe grupin parlamentar të Partisë Demokratike. Në këtë mbledhje, Basha u dha udhëzime deputetëve demokratë që në veçanti tu gjenden pranë familjeve dhe bizneseve që kanë vuajtut pasojat e përmbytjeve të ditëve të fundit.

Po ashtu mësohet se Basha kërkoi nga deputetët që aktivitetin parlamentar të javës ta ndërthurin me aktivitetin përgatitor në strukturat e Partisë në lidhje me përgatitjet për Kuvendin Kombëtar të thirrrur nga Kryesia e Partisë Demokratike këtë të shtunë, në datë 18 dhjetor.

Basha e përcaktoi 18 dhjetorin si një ditë vendimtare për të ardhmen e PD, në të cilën nuk do t’u flasë vetëm demokratëve, por gjithë shqiptarëve, e që do të projektojë modelin e ri të funksionimit dhe të akitivitetit politik të Partisë Demokratike.

Sipas kreut të PD-së, në Kuvendin e 18 dhjetorit do të merren vendime të rëndësishme të cilat do ta shndrrojnë Partinë Demokratike në një forcë politike moderne, për t’u dhënë shqiptarëve një model qeverisës të shkëputur nga e kaluara dhe për të sjellë ndryshimin që meritojnë të gjithë./Opinion.al

Pas