Kryesore

Nga Këlliçi te Vokshi/PD padit në SPAK 5-ish funksionarë për falsifikim të vulës


Bëhu pjesë e Grupit Zyrtar të Opinion.al
>> KËTU <<
               Publikuar në : 11:50 - 13/12/21 |
Opi Nion

Partia Demokratike ka kallëzuar në SPAK 5-ish funksionarë për përdorimin e vulës dhe simboleve të PD.

Mësohet se PD ka kallëzuar disa nga përfaqësuesit të Berishës, të cilët ishin pjesë e Kuvendit të 11 dhjetorit dhe janë pjesë e Komisionit të Rithemelimit.

Ata janë kallëzuar për falsifikim të vulës së Partia Demokratike dhe bëhet fjala për deputetët;

Belind Këlliçi, Edmond Spaho, Albana Vokshi, si dhe Ivi Kaso dhe Ervin Minarolli.

Bëhet fjalë për veprën penale të “Falsifikimi i vulave, i stampave ose i formularëve” i kryer në bashkëpunim, parashikuar nga Neni 190 paragrafi i 2 dhe 25 i Kodit Penal.

Në kallëzim drejtuar SPAK-ut thuhet se këta janë persona që kane patur funksione në PD, kanë dijeni për rregullat e statutit, dhe e kanë kryer veprën penale të përdorimit të vulës dhe simboleve për të realizuar qëllimet e tyre, pavarësisht se ishin në dijeni të pasojave ligjore.

Mësohet se PD e ka depozituar kallëzimin në SPAK, pasi 3 nga të kallëzuarit janë deputetë të Kuvendit të Shqipërisë.

Kujtojmë se në Kuvendin Kombëtar të organizuar nga Berisha, Oerd Bylykbashi bashkë me Statusin e Ri prezantoi edhe logon e vulën e re të Partisë Demokratike. Duke thyer edhe një herë simbolet që ishin kur Sali Berisha ishte kryetar i kësaj force./Opinion.al

Pas