Bota

7 viktima nga shpërthimi në Itali/Nxirret trupi i pajetë i gruas shtatzënë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:27 - 13/12/21 |
Opi Nion

36 orë pas shpërthimit për shkak të një rrjedhje gazi në Ravanusa që shkatërroi 4 ndërtesa dhe dëmtoi 4 të tjerë, numri zyrtar i të vdekurve ka shkuar në 7.

Pas një nate të tërë gërmimesh në rrënoja, zjarrfikësit nxorën edhe 4 trupa: atë të infermieres shtatzënë në muajin e nëntë, të bashkëshortit të saj Giuseppe Carmina dhe atë të vjehrrit të saj.

Katër trupat e gjetur mëngjesin e sotëm ishin të gjithë në të njëjtin vend: në katin e tretë të ndërtesës që u shemb pas shpërthimit. Zjarrfikësit i pikasën nën një mal me rrënoja me copa betoni dhe shufra hekuri.

Të vetmet të mbijetuara nga shpërthimi janë dy gra: Giuseppina Montana dhe Rosa Carminia, të dyja të nxjerra nga rrënojat në mbrëmjen e vonë të së shtunës.

Operacionet e kërkimit, ritheksuan zjarrfikësit, do të vazhdojnë deri në gjetjen e të gjithë trupave. Më pas do të kalojmë në heqjen e rrënojave për të arritur të identifikojmë pikën ku ka pasur këputjen e tubit që shkaktoi masakrën./Opinion.al

Pas