Kryesore

Pas akuzave të PD,Rama: Valdrin Pjetri dhe PS i kanë rrugët e ndara, deri…


               Publikuar në : 15:56 - 13/08/19 |
el ida

Kryeministri Edi Rama ka reaguar pas akuzave të hedhur ndaj krybashkiakut të Shkodër, Valdrin Pjetri. Përmes një postimi në “Twitter” është shprehur se askush nuk mund të hedhë baltë mbi Partinë Socialiste, qoftë dhe po të ishte vëllai i tij.

Reagimi i Ramës vjen pasi PD nxori dokumentet italiane që tregonin se Valdrin Pjetri, kandidati i PS për bashkinë e Shkodrës më 30 qershor ishte i dënuar dhe i dëbuar nga Italia.

Në reagimin e tij Rama deklaron se rruga mes PS dhe Valdrin Pjetrit do të ndahen deri në momentin që të dalë e vërteta ligjore.

Kryeministri vijon më tej duke thënë se përgjegjësia e partisë së tij është se si reagon ndaj një akti të tillë dhe jo të marrë përgjegjësit individuale të personave të caktuar.

“Jo Valdrini,po vëllai im të jetë,s’ka shans të hedhë asnjë hije dyshimi mbi PS dhe mbi mua,në raport me ligjin e me besnikërinë ndaj popullit! Përgjegjësia për çdo akt individual të padenjë është individuale. Përgjegjësia jonë është si reagojmë ndaj një akti të padenjë individual!  I edukuar, i zoti, i respektuar familjarisht në Shkodër e kudo ka punuar, po kjo s’mjafton më!Kurrë s’kam menduar se Valdrini mund të fshehë të vërtetën në raport me ligjin, po deri kur e vërteta ligjore të dalë, Valdrin Pjetri dhe Partia Socialiste i kanë rrugët e ndara plotësisht. E me këtë rast, të tërë ta fusin mirë në kokë: Unë s’kam ndërmend të toleroj askënd dhe as të marr përsipër raportin individual me ligjin të askujt!Shkoj në luftë për çdo ide,qëllim a shok armësh, po kosto veprimesh individuale të dyshuara si ky, as marr më, as lejoj më t’i marrë PS!”, shkruan Rama./Opinion.al

 

Pas