Bota

Qindra migrantë në mes të Detit Mesdhe, asnjë vend nuk i pranon


               Publikuar në : 16:34 - 13/08/19 |
el ida

Agjencia e Kombeve të Bashkuara për Refugjatë (UNHCR) u ka bërë thirrje qeverive evropiane, që të pranojnë 500 migrantë të shpëtuar në Detin Mesdhe, sa më shpejt që të jetë e mundur.

Migrantët aktualisht janë në bordin e dy anijeve humanitare, dhe qeveria italiane nuk po i lejon ata të hyjnë në port.

I dërguari i posaçëm i UNHCR-së, Vincent Coquettel, tha se kjo është një garë me kohën dhe shtoi se stuhitë po vijnë dhe kushtet do të përkeqësohen.

UNHCR-ja tha gjithashtu se këtë vit, rreth 600 njerëz ndërruan jetë ose u zhdukën në detin midis Libisë dhe Italisë. Nga ana tjetër, Komisioni Evropian tha se iu kishte bërë thirrje shteteve anëtare të ofrojnë ndihmë, duke theksuar se nuk mund të ndërhyjë vetë./Opinion.al

Pas