Aktualitet

“Një nga autorët kushëri”, babi i vajzës së abuzuar: Të largohen familjet


Bëhu pjesë e Grupit Zyrtar të Opinion.al
>> KËTU <<
               Publikuar në : 14:11 - 19/05/21 |
Opi Nion

Babai i vajzës 15-vjeçare që u abuzua seksualisht në grup nga 5 persona në qytetin e Lezhës  ka rrëfyer ditën e sotme se si familja e zbuloi ngjarjen e rëndë.

Ai tha në një interistë për News 24 se e gjithë familja e tij ndodhet në gjendje shumë të rënduar teksa tregon se disa prej djemve i kanë komshinj.

“Gjendja në familje është shumë e rëndë. Tani sapo ka ardhur bashkia, asnjë organizatë nuk ka ardhur. E kemi bërë ekzaminim mjeko-ligjor dje në Tiranë. Shkuam me makinën e policisë. Çfarë të flas! Vajza është në familje tani. Gjysmën e atyre djemve i kemi komshinj. I kam 10-100 metra larg.
Më 7 mars vajzës i dhashë lekë për të blerë një dhuratë, si të gjithë. Po më datë 7 autori i ka dhënë një telefon. Më datë 8, ai e ka marrë në telefon, e ka vënë në makinë dhe e ka çuar…, i ka hedhur në pije kokainë, a ku di unë. Ai ka abuzuar me të direkt. Unë e kam marrë vesh ditën e hënë. Vajza ishte në gjumë nga ora 21, bashkëshortja hyri te dhoma e saj dhe i pa telefonin. Ja mori me qetësi, pa e dhunuar, i bërtiti vetëm pak. Unë nuk dija asgjë. Ai krimineli i kishte thënë të hapte një adresë Facebooku me emër tjetër, që të mos e njihnim. Vajza nuk na tregonte kodin, por ne ja morëm”, tha babai.

Ai ka treguar se mes personave që kanë abuzuar me të miturën është edhe kushëriri i tyre.

“Telefoni është në polici, me video, me mesazhe, etj. Videot ja ka dërguar ai grupi, mes të cilëve është edhe një kushëri. Edhe ky ka kryer marrëdhënie me të. Vajza tha se më kanë kërcënuar. Unë i kam parë videot dhe mesazhet kërcënuese. Videot i ka filmuar Artan Kaçorri me grupin e vet, ai i bënte presion vajzës që të shkonte”, tha ai.

Më tej babai i 15-vjeçares kërkoi largimin e autorëve nga fshati.

“Së pari, kërkoj të shërohet goca, që të kthehet njeri normal. Së dyti, shteti e ka marrë përsipër të dënojë autorët. Duhet të largohen ato prej vendit, jo unë. Unë dua që ata të largohen, mos t’i shikoj. Jemi të gjithë në gjendje të rëndë shumë. Unë rri pa bukë, vdes, vetëm që këto familje të largohen” , vijoi babai./Opinion.al

Pas