Sport

Neymar kritika PSG: Më lanë 4 ndeshje në stol, dhe nuk kisha ritëm


               Publikuar në : 16:18 - 19/02/20 |
Opi Nion

Neymar ka kritikuar PSG, pas humbjes 2-1 ndaj Borussia Dortmund në 1/8 e Champions League.

Braziliani është shprehur se drejtuesit e klubit e lanë atë katër ndeshje pa e aktivizuar, gjë e cila ka ndikuar në rezultatin ndeshjes si dhe në formën tij në fushë.

Neymar tha gjithashtu se lidhur me këtë vendim ai ka debatuar ashpër me drejuesit e PSG, por sipas tij, ata kishin frikë.

“Është shumë e vështirë që të qëndrosh 4 ndeshje pa luajtur, por nuk ishte vendimi im. Ishte vendim krejtësisht i klubit dhe i mjekëve. Morën një vendim që nuk më pëlqeu”, deklaroi Neymar kur u pyet për mungesën në ekip gjatë muajit shkurt, pasi pësoi një dëmtim në brinjë ndaj Montpeillier, në 1 shkurt. Kemi debatuar shumë mbi këtë vendim sepse unë gjithmonë kam dashur që të luaj. Unë ndihesha mirë, por klubi kishte frikë. Në fund, unë vuajta më shumë. E kuptoj klubin pasi në dy sezonet e fundit kam munguar në 1/8 e Champions, por këto gjëra nuk bëhen kështu pasi vuan lojtari. Sot nuk kisha ritëm për 90 minuta, nëse do të isha më në formë do të kisha luajtur më mirë”, shtoi Neymar./ Opinion.al

Pas